• Виртуал қабыллаўха
  • Сайт картасы
  • Сайтқа кириў

Халықаралық шарўашылық ярмаркасы ҳаққында мəлимлеме

Бүгин 11-февраль сəнесинде Нөкис қаласында Қарақалпақстан Республикасында нəсилли шарўаны көбейтиў, шарўа малларын тиккелей шет елден алып келиў, сондай-ақ, шарўашылықты раўажландырыўды мəмлекет тəрепинен қоллап-қуўатлаў арқалы шарўашылық өнимлерин жетилистириў ҳəм қайта ислеўде алдынғы сырт ел технологияларын енгизиў жəне фермер хожалықлары менен аўыл хожалығы шөлкемлериниң материаллық-техникалық базасын беккемлеў, олардың ислеп шығарыў потенциалын арттырыў мақсетинде Халықаралық шарўашылық ярмаркасы болып өтеди.

Илаждың ашылыў мəресиминде Қарақалпақстан Республикасы Жоқарғы Кеңесиниң Баслығы М.Ерниязов ҳəм “Ўзбекчарвонасл” агентлигиниң бас директоры А.Абдуллаев жəне Орайлық банк Қарақалпақстан Республикасы бас басқармасының баслығы А.Абдикаримовлардың Ɵзбекстан, соның ишинде, Қарақалпақстанда шарўашылық тараўын раўажландырыўда алып барылып атырған көлемли жумыслар, сондай-ақ, онда шарўашылық ҳəм фермер хожалықларына ажыратылып атырған жеңиллетилген кредитлер ҳаққындағы баянаты тыңланады.

Халықаралық шарўашылық ярмаркасында Ɵзбекстан Республикасы ўəлаятлары менен Қарақалпақстан Республикасы аймағында шарўашылық тараўында жумыс алып барып атырған ҳəм жаңадан шөлкемлестирилип атырған исбилерменлер менен фермер хожалықларының, сондай-ақ,  сырт елли бир қатар шарўашылық импортёр шөлкемлериниң өз товарлары ҳəм хызметлери менен қатнасыўы  күтилмекте.

Атап айтқанда, Венгрия (Hunland), Германия (Interboves, Masterrind), Латвия, Швеция (Delaval), Италия (Inventa, Pietribiazi), Греция (Milk plan), Россия (Leyli Rus), АҚШ (Eco Drip C- Silverleaf BMB, Agro Trade Group) ҳəм Сербия (Noviy sad) мəмлекетериниң ири шарўашылық ҳəм фермерлик кəрханалары менен шөлкемлериниң ўəкиллери усылардың  қатарына киреди.