Búgin, 2022-jıl 3-mart kúni Kegeyli rayonı “Jańabazar” APJ aymaǵındaǵı «Kanalı Erejep» fermer xojalıǵında Qaraqalpaqstan Respublikası Ministrler Keńesi Baslıǵınıń orınbasarı D.Qaypov ha’m O’zbekistan Respublikasi Awil xojalig’i ministrinin’ birinshi orinbasari Sh.Teshaev basshılıǵında kórgizbeli seminar shólkemlestirildi.
Seminarda alımlar, sektor baslıqları, rayonlıq awıl xojalıǵı, suw xojalıǵı, fermer xojalıqları basshıları hám qıytaq jer iyeleri Keńesi wákillerine 2022-jıl hasılı ushın shor juwıw, ǵálle tárbiyası, kartoshka, soya, geshir hám basqada eginlerdi egiwge tayarlıq kóriw isleri boyınsha tapsırmalar berildi.
Seminarda rayon boyınsha jámi 90 gektar maydanǵa kartoshka egiwdiń bólistiriliwi, fermer xojalıqlarǵa jaylastırılıwı belgilep alındı. Sonday-aq, usı jerde kartoshka egiwdiń dáslepki jumısları baslap jiberildi xám jerge birinshi tuxımlar egildi.
