Suv tejavchi texnologiyalar.

Mazkur qaror topshiriqlari ijrosini taʼminlash maqsadida, barcha tumanlarda belgilangan prognoz koʼrsatkichlar doirasida suvni tejaydigan texnologiyalarni joriy qilish boʼyicha manzilli roʼyxatlar shakllantirilgan va tuman hokimliklari tomonidan tasdiqlangan.
Shuningdek, talabgorlar bilan quruvchi korxonalar oʼrtasida
12200 gektar paxta maydonlarida tomchilatib sugʼorish texnologiyasini joriy qilish boʼyicha pudrat shartnomalari rasmiylashtirilib, shundan
4301 gektar maydon (3098 gektar kredit va 1203 gektar talabgorlarning oʼz mablagʼlari hisobidan) moliyalashtirildi.
Moliyalashtirilgan maydonlarda qurilish ishlari olib borilb,
5250 gektar uchun 255 ta hovuz qazish ishlari va 3774 gektar uchun
170 ta nasos-filtr qurilmalarini oʼrnatish va 3485 gektar maydonda markaziy quvurlarni oʼrnatish ishlari amalga oshirildi hamda 3275 gektar maydonda texnologiyalar ishga tushirilib, 28 ming 500 gektar maydonda lazer uskunasi yordamida tekislash ishlari amalga oshirildi.
Shuningdek, diskretli sugʼorish tizimi 100 gektar maydonda va yomgʼirlatib sugʼorish texnologiyasi 1152 gektar maydonda joriy qilindi.
Suvni tejaydigan texnologiyalarini joriy etishga sarflangan xarajatlarning bir qismini qoplash uchun jami 322 gektar g’a’lla maydonlarida, 28 ta fermer xoʼjaliklarining xisob varaqlariga (1 mlrd 57 mln soʼm) subsidiya pullari tushirib berildi.