Beruniy hám de Tórtkúl rayonında, Qaraqalpaqstan Respublikası Awıl xojalıǵı ministrligi, Qaraqalpaqstan Respublikası agroxızmetler orayı, rayon hákimlikleri hám rayonlıq awıl xojalıǵı bólimleri, Ósimlikler karantini hám qorǵaw agentliginiń rayonlıq bólimi hám taraw ilimpazları menen birgelikte “2025-jıl ónimi ushın ǵawasha sortların optimal túrde jaylastırıw hám joqarı nátiyjeli jergilikli intensiv agrotexnologiyalardı engiziw sonday-aq, ǵawasha tuqımgershiligi menen baylanıslı is-ilajlar” boyınsha seminar shólkemlestirildi.

➕Ótkerilgen seminarǵa rayonnıń diyqan fermer xojalıqları hám qıytaq jer iyeleri keńesiniń basshıları, rayonda paxta hám ǵálleshilik baǵdarındaǵı barlıq klasterler, awıl xojalıǵı kárxanalarınıń basshıları, shigit egiw otryadınıń basshıları, paxta jetistiriw baǵdarındaǵı klasterler hám de fermer xojalıqlarınıń basshıları qatnastı.

🖥Seminarda Qaraqalpaqstan Respublikası Awıl xojalıǵı ministriniń orınbasarı N.Kayupov sózge shıǵıp, 2025-jıl ónimi ushın ǵawasha sortların optimal túrde jaylastırıw hám joqarı nátiyjeli jergilikli intensiv agrotexnologiyaların engiziw jáne de ǵawasha tuqımgershiligi menen baylanıslı is-ilajlardı shólkemlestiriw boyınsha ámelge asırılatuǵın jumıslardı awıl xojalıǵında jumıs alıp barıp atırǵan barlıq kárxanalar menen birgelikte islesiwdi jolǵa qoyıw zárúrligin atap ótti.

🔗Seminar juwmaǵında rayonlıq agro másláhátshiler arqalı innovaciyalıq qollanbalar haqqındaǵı maǵlıwmatlardı aymaqtaǵı diyqan hám fermer xojalıqlarına jetkeriw hám olardan paydalanıw boyınsha óz-ara birge islesiwde usınıslar beriletuǵınlıǵı aytıp ótildi.