Agrosanaattı rawajlandırıw agentliginiń Qaraqalpaqstan Respublikası bólimi qánigeleri menen birgelikte, Taqıyatas rayonı aymaǵında jaylasqan ıssıxanalarda jetistirilip atırǵan ónimler menen birge, júzege kelip atırǵan mashqalalardı úyreniw boyınsha monitoring jumısları alıp barıldı.
Búgingi kúnde Taqıyatas rayonında jámi 5 dana ıssıxana óz iskerligin alıp barmaqta, onda pomidor hám qıyar ónimleri egilip, jetistirilip kelinbekte.Atap aytqanda “Keneges” awıl puqaralar jıyınındaǵı “TAHIATASH AGROKOMPLEKS TEPLITSA” Juwapkershiligi sheklengen jámiyetine qaraslı, koreya texnologiyası tiykarında qurılǵan, ulıwma maydanı 2 gektar maydandı quraytuǵın bul ıssıxanada pomidordıń “Alamina” sortı noyabr ayında egilgen bolıp, tárbiyalaw jumısları alıp barılmaqta.
Íssıxananıń ishki bólimi optimallastırılǵan túrde jılıtılǵan bolıp, bul bolsa ónimlerdiń ekologiyalıq taza hám sapalı jetistiriliwin támiyinleydi.Jetistirilgen ónimler standartlarǵa muwapıq, tiykarınan ishki bazarlarǵa baǵdarlanadı.
Bunnan tısqarı bul jerde jumıs alıp barıp atırǵan jumısshılar tiykarınan máhálledegi hayal-qızlar bolıp, olar ushın jaratılǵan sharayatlar jaqsı jolǵa qoyılǵan.Bul ıssıxanada házirgi waqıtta pomidor nálleri tárbiyalanıp, olar ónim beriw aldında.Íssıxana jumısı tek ǵana awıl xojalıǵı ónimlerin jetistiriwdi rawajlandırıwǵa emes, jergilikli xalıqtı jumıs penen támiyinlewge de xızmet etpekte.
