Ózbekstan Respublikası Prezidentiniń 2025-jıl 17-yanvardaǵı “Paxta shiyki zatın jetistiriw hám satıwda bazar mexanizmlerin qollanıwdı izbe-iz dawam ettiriw ilajları haqqında”ǵı PP-7-sanlı Pármanınıń mazmun-mánisi Qaraqalpaqstan Respublikası Awıl xojalıǵı ministriniń birinshi orınbasarı A.Koziyev basshılıǵında Paxta shiyki zatın jetistiriw hám satıw sistemasın qarjılandırıwdı bazar mexanizmlerine beyimlestiriw, paxta bahasın optimallastırıw, paxta shiyki zatın birja sawdaları arqalı satıwdı jańa basqıshqa alıp shıǵıw, sonday-aq, xojalıqlardıń hám qayta islewshilerdiń materiallıq mápdarlıǵın arttırıw maqsetinde belgilengen wazıypalar hám tapsırmalar haqqında túsindirip ótildi.
Sonday-aq, Qaraqalpaqstan Respublikası Awıl xojalıǵı ministrliginiń bas yuriskonsulti K.Ótepov tárepinen usı Pármanda belgilengen birjadaǵı barlıq shártnamalar “Agroplatforma” málimleme sisteması menen integraciyalasqan maǵlıwmatlar bazasında bar bolǵan xojalıqlar hám qayta islewshiler arasında dúziliwi, 2025-jıl paxta óniminen baslap, fyuchers shártnamaları kalendar jıldıń 1-noyabrinen keyingi jıldıń 1-iyunına shekem xojalıqlar hám qayta islewshiler arasında birjada erkin qáliplesetuǵın, biraq járiyalanǵan baslanǵısh bahadan tómen bolmaǵan bahada dúziliwi, forvard shártnamaları kalendar jıldıń 1-noyabrinen keyingi jıldıń 1-martına shekem xojalıqlar hám qayta islewshiler arasında óz-ara kelisilgen bahalarda dúziliwi hám spot shártnamaları real waqıt rejiminde qoymaxanada saqlanıp atırǵan paxta shiyki zatı kólemine xojalıqlar hám qayta islewshiler arasında óz-ara kelisilgen bahada dúziliwi boyınsha taraw qánigelerine oqıp esittirilip, tolıq maǵlıwmatlar aytıp ótildi.
