Tórtkúl hám Ámiwdáryada ǵálle egiw máwsimine start berildi

Búgin, Tórtkúl rayonındaǵı “Kóna Tórtkul” APJ hám Ámiwdárya rayonındaǵı “Shoykól” APJ aymaqlarında jaylasqan “Tórtkúlli Qutlımurat Xudaybergen” hám “Shoykól Dostlıq” fermer xojalıqlarında 2026-jıl zúráátı ushın dán egiw jumısların shólkemlestiriw hám ǵawasha maydanlarında japıraq túsiriw jumısların sistemalı shólkemlestiriw boyınsha kórsetpeli seminar bolıp ótti.

Bul seminarda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, rayon hákimleri hám taraw juwapkerleri qatnastı.

Seminarda 2026-jılǵı dán egiw jumısların sapalı shólkemlestiriw, agrotexnikalıq ilajlardı óz waqtında ámelge asırıw, egislik maydanlardan nátiyjeli paydalanıw máselelerine ayırıqsha dıqqat awdarıldı. Sonıń menen birge, ǵawasha maydanlarında japıraq túsiriw jumısların sistemalı shólkemlestiriw, paxtadan mol zúráát alıw boyınsha usınıslar berildi.

Kórsetpeli seminarda qatnasıwshılar ózlerin qızıqtırǵan sorawlarǵa juwap aldı hám aldaǵı wazıypalar belgilep alındı. Bul qayırlı iske kiriser eken, diyxanlar jaqsı niyetler menen tuqım septi.