Ǵárezsizligimizdiń 34 jıllıq bayramı qutlı bolsın!
“Watan ushın, millet ushın, xalıq ushın!”
Ǵárezsizligimizdiń sharapatı menen xalqımızdıń jámiyetlik-siyasiy, ruwxıy-aǵartıwshılıq turmısında pútkilley jańa dáwir baslanǵan bolıp, búgin Ózbekstan Respublikası mámleketlik ǵárezsizliginiń otız tórt jıllıq bayramı elimiz boylap kóterińki keypiyat penen nıshanlanıp atır.
Ǵárezsizlik jıllarında, ásirese sońǵı dáwirde, awıl xojalıǵı tarawında keń kólemli reformalar ámelge asırıldı. Xalqımızdıń abadan turmıs tárizin jaqsılaw, mámleketimiz ekonomikasın tez pátte rawajlandırıw jolında alıp barılıp atırǵan hár qanday iygilikli isler elimizdiń jaqtı keleshegi ushın xızmet etpekte.
Awıl xojalıǵı, sonıń ishinde, basqa tarawlardıń qáliplesiwi hám rawajlanıwı Watanımızdıń mámleketlik ǵárezsizligi menen tıǵız baylanıslı.
Qaraqalpaqstan Respublikası Awıl xojalıǵı ministrligi jámááti barlıq watanlaslarımızdı mámleketimiz ǵárezsizliginiń 34 jıllıq bayramı menen shın júrekten qutlıqlaydı.
