Ellikqala rayonındaǵı “Jamshid Qanatov” fermer xojalıǵı paxtadan joqarı zúráátke erispekte
Ellikqala rayonı Ámirabad APJ aymaǵında jaylasqan “Jamshid Qanatov” fermer xojalıǵı 102 gektar jer maydanına iye. Usı jılı xojalıqtıń 45 gektarına dán, 45 gektarına paxta egildi. Paxta maydanlarına erte báhárde hár gektarına 500 kilogramnan biogumus tógini salındı.
Búgingi kúnde paxta zúráátke kirip, hár gektarınan 40-45 centnerden zúráát alınbaqta. Fermer xojalıǵı basshısı Inamjon Rozimovtıń atap ótiwinshe, ekinshi terimde bul kórsetkish 55-60 centnerge shekem jetiwi kútilmekte.
Sonday-aq, xojalıq Ózbekstan Respublikası Prezidentiniń 2024-jıl 13-fevraldaǵı PQ-71-sanlı qararına muwapıq, biogumus tógini qollanılǵan hár bir gektar ushın 1 million somnan subsidiya aldı.
Fermerler mámleketimiz basshısınıń awıl xojalıǵın qollap-quwatlaw baǵdarındaǵı bunday imkaniyatları ushın óz minnetdarshılıǵın bildirmekte.
