Xojeli rayonında piyaz hám chesnok egisi boyınsha seminar shólkemlestirildi
Xojeli rayonı Samankól awıl puqaralar jıyını aymaǵında jaylasqan “Shukrullaeva Tulǵanay” fermer xojalıǵında 2026-jıl zúrááti ushın piyaz hám chesnok eginlerin egiw máselelerine baǵıshlanǵan seminar ótkerildi.
Bul seminarǵa Ózbekstan fermerler keńesi baslıǵınıń orınbasarı M.Muxammadiev, Qaraqalpaqstan Respublikası fermerler keńesi baslıǵınıń orınbasarı P.Bekanov, sonday-aq, fermerler keńesiniń wákilleri, awıl xojalıǵı bóliminiń qánigeleri hám fermer xojalıqlarınıń aǵzaları qatnastı.
Ilaj dawamında Qaraqalpaqstan Respublikası klimat sharayatında piyaz hám chesnok egiw usılları, eginlerdi jaylastırıw múddetleri, olardı tárbiyalaw procesinde orınlanıwı kerek bolǵan agrotexnikalıq ilajlar hár tárepleme túsindirip berildi.
Seminardıń tiykarǵı maqseti – gúzgi máwsimde piyaz, chesnok hám basqa da túrdegi ovosh ónimlerin jetistiriw arqalı xalıqqa qosımsha dáramat dáregin jaratıwdan ibarat.
