Awıl xojalıǵı eginleri tuqımlıqları sapasın bahalaw ushın “Jańa sistema” engizildi!

“Awıl xojalıǵı eginleri tuqımlıqlarıniń sapasın bahalaw sistemasın túpten reformalaw ilajları tuwrısında”ǵı Prezident Pármanı (PF-109-san, 07.07.2025 j.) qabıllandı. Ózbekstanda tuqımlıqlar sapasın bahalawdıń jańa sisteması engiziledi. Bul sistema arqalı hár bir tuqımlıqlar qadaqları nomerli QR-kodlı jarlıqlar menen támiyinlenedi. -Diyqan hám fermer xojalıqları tuqımlıq satıp alǵannan soń tuqımlıqlar sapasız shıqqanı tastıyıqlansa, tuqımlıqlardi satqan kárxana tárepinen záleldi qaplaw boyınsha minnetleme belgilendi. -Endi, tuqımlıqlar haqqındaǵı barlıq maǵlıwmatlar – túr xarakteristikası, sortlılıq hám eginbaplıq sapaları, óndiriwshi hám tuqımlıq haqqındaǵı zárúrli maǵlıwmatlardı QR-kod arqalı (smartfon járdeminde) bir demde kóriw múmkinshiligi payda boladı. 🔹 Ózbekstanda jańa sistema sheńberinde tuqımlıqlardı sapasın bahalaw boyınsha “Awıl xojalıǵı ónimleri sapasın bahalaw orayı” birden-bir kepillikli shólkem retinde belgilenedi. 🔹 Jańa sistema eki basqıshlı bahalawdı názerde tutadı: – birinshi basqıshda: tuqımlıqlardıń sortlılıq sapaların bahalaw; -ekinshi basqıshda: tuqımlıqlardıń egislik sıpatların bahalaw. 🔹 Bunda, tuqımlıqtan paydalanıwshılar tuqımlıq satıp alıw waqtında nomerli QR-kodlı jarlıǵı bar ekenligin tekserip alıw arqalı sapası kepillik berilgen tuqımlıqqa iye boladı.