Xojeli rayonı hákimliginiń májilisler zalında awıl xojalıǵı tarawına baylanıslı seminar bolıp ótti.Seminarǵa, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, rayon hákimi J.Ermashev hám taraw juwapkerleri qatnastı.Sózge shıqqanlar Ózbekstan Respublikası Prezidentiniń 30.12.2024-jılǵı “Awıl xojalıǵı maydanlarındaǵı qosımsha imkániyatlardan paydalanǵan halda ónim jetistiriwdi kóbeytiwge baylanıslı is-ilajlar haqqında”ǵı PQ-465-sanlı qararı talaplarınıń orınlanıwı boyınsha toqtalıp ótti.
Atap aytqanda, atız shetlerine, kanallar, kollektor-drenaj tarmaqları átirapındaǵı maydanlarǵa eksportqa qolaylı eginlerdi egiw wazıypa etip belgilenip alındı.
Sonday-aq, qarar talapları tiykarında dala shetlerine hár jılı 1-aprelge shekem eginler egilmegen hám jıl dawamında ónim jetistirilmegen jaǵdaylar anıqlansa, bárshe egislik maydanlarǵa úsh ese salıq esaplanatuǵınlıǵı, dala shetlerin ekilemshi ijaraǵa alǵan ijarashılarǵa Agroinspekciya tárepinen BEMnıń 10 esesine shekem járiyma qollanıwı hám awıl xojalıǵı tarawına ajratılǵan jeńilletilgen kreditler toqtatılǵanlıǵı qatań túrde túsindirildi.
