Awıl xojalıǵında sapalı agrotexnikalıq ilajlar áhmiyetli

Awıl xojalıǵı ministri Ibrohim Abdurahmonov hám Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshayev Qaraqalpaqstan Respublikasında fermer xojalıqlarında alıp barılıp atırǵan agrotexnikalıq jumıslardı úyrendi.

Olar Ámiwdárya rayonındaǵı “Diyorbek Kanjigali” fermer xojalıǵında sırt el ǵawasha sortların egiwde qollanılatuǵın Qıtay texnologiyası, tamshılatıp suwǵarıw hám jergilikli sortlardan qorǵaw zonaların shólkemlestiriw usılların kórip shıqtı.

Ministr agrotexnikalıq ilajlardı unamlı bahalap, olardı jáne de nátiyjeli shólkemlestiriw boyınsha usınıslar berdi. Ol sonday-aq, juwapkerlerge máwsim dawamında atız jumısların sapalı shólkemlestiriw, azıqlandırıwda belgilengen norma hám tártiplerge ámel etiw jáne agrotexnikalıq ilajlarda ilimiy tiykarlanǵan qatnaslardı engiziw boyınsha kórsetpeler berdi.