✅ Ellikqalada kórgizbeli seminar – dıqqat orayında ǵawasha tárbiyası

Ellikqala rayonındaǵı “Saxtiyon azamati” fermer xojalıǵı aymaǵında ǵawashanı shılpıw (chekanka) etiw processlerine baǵıshlanǵan kórgizbeli seminar bolıp ótti.

Oǵan Qaraqalpaqstan Respublikası Ministrler Keńesi Baslıǵınıń orınbasarı Sh.Teshayev, rayon hákimi V.Niyazimbetov, awıl xojalıǵı tarawınıń qánigeleri, tiyisli shólkemlerdiń wákilleri hám fermer xojalıqlarınıń basshıları qatnastı.

Seminar dawamında qatnasıwshılar ǵawasha tárbiyalawdıń áhmiyetli agrotexnikalıq basqıshlarınan biri – shılpıw usılların ámeliyatta baqlap, olardıń abzallıqları menen jaqınnan tanıstı. Bizge belgili, shılpıw zúrááttiń erte hám bir qálipte pisiwin támiyinleytuǵın áhmiyetli agrotexnikalıq ilaj bolıp, ol ónimdarlıqtı arttırıw hám ónimniń sapasın jaqsılawda ayrıqsha áhmiyetke iye.

Seminar dawamında qatnasıwshılar tárepinen bildirilgen sorawlarǵa qánigeler tárepinen tolıq juwaplar berilip, ámeliy usınıslar berildi.