🌾 Qaraqalpaqstanda 5 rayon ǵálle tapsırıw rejesin artıǵı menen orınladı

Usı jıldıń ǵálle tapsırıw máwsiminde Qaraqalpaqstan Respublikasınıń bir qatar rayonları mámleket aldındaǵı áhmiyetli wazıypanı joqarı dárejede orınlap, ǵálle tapsırıw rejesin artıǵı menen orınladı.

🏅 Ámiwdárya rayonı birinshilerden bolıp rejeni tolıq hám artıǵı menen orınlaǵan aymaq boldı. Bul jerde 11 130 tonna ǵálle tapsırıw belgilengen bolıp, pidáker diyxanlar hám fermer xojalıqlarınıń is-háreketi menen reje 117 procentke orınlandı. Bul bolsa 13 mıń tonnadan artıq ǵálle jetkerip berilgenin ańlatadı.

🌱 Ellikqala rayonı diyxanları da nátiyjeli miynet úlgisin kórsetip, belgilengen 8 810 tonna ornına rejeni 106,6 procentke orınladı.

🚜 Beruniy rayonı bolsa tap usınday muǵdar – 8 810 tonnalıq rejeni 105,4 procentke orınlap, ulıwma nátiyjege ılayıqlı úles qostı.

🌾 Taqıyatas rayonı belgilengen 2 635 tonna ornına rejeni 125 procentke orınladı.

🌾 Moynaq rayonı da ózine júkletilgen rejeniń 101 procentin orınlawǵa eristi. Bul jerde de mol zúráát alıw hám onı óz waqtında tapsırıw ushın barlıq imkaniyatlar jumsaldı.

📈 Ulıwma alǵanda, Qaraqalpaqstan Respublikası boyınsha mámleketke ǵálle tapsırıw procesi sistemalı hám izbe-iz alıp barılmaqta. Bul jetiskenlikler – miynetkesh diyxanlar, pidáker agronomlar, suwshılar hám basqa da qánigelerdiń miynetiniń nátiyjeli juwmaǵı bolıp esaplanadı.

🌟 Bul tabıslar ǵálle jetistiriwde agrar siyasattıń durıs jolǵa qoyılǵanınan hám fermer xojalıqlarına kórsetilip atırǵan ámeliy járdemlerden derek beredi.