Taqıyatas hám Xojeli rayonlarında zúráátlilik sırları úyretildi Taqıyatas rayonı “Naymankól” awıl puqaralar jıyınında jaylasqan “Sanabar Saparbaeva” fermer xojalıǵı hám Xojeli rayonındaǵı “Samankól” awıl puqaralar jıyını aymaǵındaǵı “Shukurulla Tolǵanay” fermer xojalıǵı atız maydanlarında  awıl xojalıǵı tarawınıń aldınǵı wákilleri hám fermerler ushın oqıw seminarı shólkemlestirildi. Seminarǵa Qaraqalpaqstan Respublikası Awıl xojalıǵı ministriniń birinshi orınbasarı A.Kóziev hám rayon hákiminiń orınbasarları qatnastı. Seminarda ǵawasha maydanlarında agrotexnikalıq ilajlardı óz waqtında ótkeriw, tóginlew, zıyankeslerge qarsı gúresiw hám ónimdarlıqtı arttırıwdıń zamanagóy usılları dodalandı. A.Kóziev kartoshka egiw procesin ámelde kórsetip berdi. Onıń bul ámeliy shınıǵıwı fermerler ushın júdá paydalı boldı, sebebi olar kartoshka egiwdiń aldınǵı usılları menen tanıstı hám óz tájiriybelerin arttırıw imkaniyatına iye boldı. Bul seminar awıl xojalıǵın rawajlandırıw, zúráátlilikti arttırıw hám fermerlerdiń bilimin arttırıwǵa qaratılǵan áhmiyetli ilaj boldı.