Ǵalaba xabar qurallarınıń erkinligin támiyinlew jáne mámleketlik uyımlar hám shólkemlerdiń málimleme xızmetleriniń jumısın rawajlandırıw boyınsha qosımsha ilajlar haqqında

[Kóshirme] Elimizde sóz erkinligin támiyinlew, málimleme hám ǵalaba kommunikaciyalar tarawın basqarıw sistemasın qayta shólkemlestiriw, jámietlik-siyasiy hám sociallıq-ekonomikalıq rawajlanıwdıń mashqalalı máselelerin sheshiwde ǵalaba xabar qurallarınıń rolin arttırıw boyınsha sezilerli jumıslar ámelge asırıldı. Sonıń menen birge, tarawdaǵı házirgi jaǵdaydı tallaw media mákanda júzege kelip atırǵan shaqırıqlarǵa jedellik penen múnásip juwap qaytarılmay atırǵanın kórsetip, mámlekette ámelge asırılıp atırǵan keń kólemli reformalar haqqındaǵı keń kólemli maǵlıwmatlardı óz waqtında usınıw boyınsha jámiettiń talapları málimleme tarawındaǵı jumıslardı sezilerli dárejede arttırıwdı, mámleketlik uyımlar hám shólkemlerdiń málimleme xızmetleri, ǵalaba xabar qurallarınıń jumısın sapa jaǵınan jańa basqıshqa alıp shıǵıwdı talap etpekte. Ǵalaba xabar qurallarınıń jumısı ushın maksimal dárejede qolaylı sharayatlar jaratıw, mámleket hám jámiet arasında sapalı qarım-qatnastı jolǵa qoyıw, xalıqqa reformalardıń maqseti, wazıypaları hám nátiyjeleri haqqında operativ, ádil hám tolıq málimleme jetkeriw, mámleketlik hám xojalıq basqarıw uyımları, jergilikli mámleketlik hákimiyat uyımları jumısınıń ashıq-aydınlıǵın arttırıw, sonday-aq, olardıń jámiechilik penen óz-ara birge islesiw baylanısların hám málimleme xızmetleri jumısınıń nátiyjeliligin túp-tiykarınan jaqsılaw maqsetinde:

  1. 2019-jıl 1-oktyabrden baslap sonday tártip ornatılsın, oǵan muwapıq balalar ádebiyatları, sonday-aq, mayıplıǵı bolǵan shaxslar ushın mólsherlengen ónimlerdi basıp shıǵarıwǵa qánigelesken basılımlar baspa jumısın ámelge asırıwǵa licenziya bergeni ushın mámleketlik bajı tólewden azat etiledi.

Mámleketlik hám xojalıq basqarıw uyımları, jergilikli mámleketlik hákimiyat uyımlarınıń ǵalaba xabar quralları menen birge islesiw hám xalıqtı xabardar etiw tarawındaǵı jumısı qanaatlandırarsız dep tabılsın. Tómendegiler mámleketlik hákimiyat uyımları, mámleketlik hám xojalıq basqarıw uyımları, respublikalıq áhmietke ie uyım, mákeme jáne basqa da mámleketlik hám mámleketlik emes shólkemlerdiń (keyingi orınlarda – mámleketlik uyımlar hám shólkemler) málimleme xızmetleri, baspasóz orayları, jámiechilik penen baylanıslar boyınsha xızmetleriniń (keyingi orınlarda – málimleme xızmetleri) tiykarǵı wazıypaları etip belgilensin. mámleketlik uyımlar hám shólkemlerdiń jumısı haqqında ǵalaba xabar quralları, sociallıq tarmaqlar, mámleketlik uyımlar hám shólkemlerdiń rásmiy veb-saytları, sonday-aq, basqa da málimleme resursları arqalı, sonıń ishinde, baspasóz ánjumanları, brifingler, mediaturlar shólkemlestiriw jolı menen xalıqqa turaqlı, tolıq hám operativ túrde málimleme beriw; mámleketlik uyımlar hám shólkemlerde mámleketimizdiń jámietlik-siyasiy hám sociallıq-ekonomikalıq rawajlanıwı procesi haqqında málimleme beriw hám sáwlelendiriw boyınsha ilajlar islep shıǵıw hám ámelge asırıw; mámleketlik uyımlar hám shólkemlerdiń unamlı imidjin qáliplestiriw hám alǵa qoyıw, sociallıq sorawlar ótkeriw hám basqa da formalarda jámiechilik pikirin úyreniw; málimleme siyasatı tarawında ózine júklengen wazıypalardı ámelge asırıwda Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi (keyingi orınlarda – Agentlik) menen nátiyjeli ámeliy birge islesiwdi jolǵa qoyıw; ǵalaba xabar quralları menen nátiyjeli birge islesiw, málimleme xızmetleri menen turaqlı isleytuǵın jurnalistler hám blogerler sheńberinde operativ maǵlıwmatlardı tarqatıw, sonday-aq, normativlik-huqıqıy hújjetler joybarların dodalawda xalıqtıń keń qatlamlarınıń qatnasıwın támiyinlew maqsetinde ekspertler toparın qáliplestiriw; turaqlı túrde ǵalaba xabar qurallarında mámleketlik uyımlar hám shólkemler basshılarınıń shıǵıwların shólkemlestiriw; málimleme mákanın monitoring etiw hám tallaw, sın kózqarastan hám keń túrde talqılanıp atırǵan málimleme hújimlerine operativ múnásibet bildiriw, ǵalaba xabar quralları hám Internet tarmaǵında tiyisli mámleketlik uyımlar hám shólkemlerdiń jumısına baylanıslı málimlemeni tarqatıw boyınsha jumıslardı shólkemlestiriw; mámleketlik uyımlar hám shólkemler menen birgelikte jergilikli hám sırt el ǵalaba xabar quralları arqalı tarqatıw ushın xabar, maǵlıwmat, sholıw hám basqa da málimleme-analitikalıq materiallardı tayarlaw; mámleketlik uyımlar hám shólkemlerdiń jumısı haqqında jámiechilik pikirin, milliy hám sırt el ǵalaba xabar qurallarınıń poziciyasın úyreniw, áhmietli usınıslar islep shıǵıw hám olar haqqında mámleketlik uyımlar hám shólkemlerdiń basshılıǵına málimleme berip barıw; mámleketlik uyımlar hám shólkemlerdiń jumısın sırt el ǵalaba xabar qurallarında sapalı sáwlelendiriw maqsetinde wákillikli ministrlikler hám uyımlar arqalı Ózbekstan Respublikasınıń sırt eldegi diplomatiyalıq wákilxanaların, sonday-aq, sırt mámleketlerdiń Ózbekstandaǵı diplomatiyalıq wákilxanaların málimleme materialları (baspa ónimler, foto, audio, videomateriallar hám t.b.) menen támiyinlew; mámleketlik uyımlar hám shólkemlerdiń wákilligine kiretuǵın normativlik-huqıqıy hújjetlerdiń joybarların hámde olardıń tastıyıqlanǵan tekstlerin belgilengen tártipte óz rásmiy veb-saytlarında jaylastırıw; mámleketlik uyımlar hám shólkemlerdiń jumısına baylanıslı tekstli, foto, audio hám videomateriallardan ibarat maǵlıwmatlar bazasın qáliplestiriw hám jańalap barıw.

  1. Tómendegiler:
  2. a) mámleketlik uyımlar hám shólkemlerdiń málimleme xızmetleri xızmetkerleri tiykarınan jurnalistika tarawında joqarı maǵlıwmatqa ie bolǵan shaxslar arasınan lawazımǵa tayınlanadı;
  3. b) mámleketlik uyımlar hám shólkemler málimleme xızmetleriniń basshıları:

bir waqıttıń ózinde mámleketlik uyım hám shólkem basshısınıń baspasóz xatkeri esaplanıp, málimleme siyasatı máseleleri boyınsha basshınıń keńesgóyi statusına ie boladı hám miynetke haqı tólew, medicinalıq hám transport xızmetin kórsetiw shártleri boyınsha mámleketlik uyım hám shólkem basshısınıń orınbasarına teńlestiriledi; tiyislisinshe Agentlik yamasa onıń aymaqlıq bólimleriniń juwmaǵın esapqa alǵan halda lawazımǵa tayınlanadı; hár úsh jılda Agentlikte attestaciyadan ótedi;

  1. v) mámleketlik uyımlar hám shólkemlerdiń oraylıq apparatları, Qaraqalpaqstan Respublikası Ministrler Keńesi, wálayatlar hám Tashkent qalası, rayon (qala) hákimlikleri strukturalarında málimleme xızmeti názerde tutılıwı shárt.

Mámleketlik uyımlar hám shólkemlerdiń oraylıq apparatları, Qaraqalpaqstan Respublikası Ministrler Keńesi, wálayatlar hám Tashkent qalası hákimliklerindegi málimleme xızmetleri xızmetkerleriniń sanı, qaǵıydaǵa bola, olardıń shtat birlikleri sheńberinde qáliplestiriledi hám baspasóz xatkeri menen bir qatarda ǵalaba xabar quralları hám jámiechilik penen baylanıslar, veb-resurslar hám sociallıq tarmaqlar menen islesiw ushın juwapker xızmetkerlerden ibarat boladı. Mámleketlik uyımlar hám shólkemlerdiń oraylıq apparatlarındaǵı málimleme xızmetleri xızmetkerleriniń sanı tiyisli uyım jumısınıń ózine tánliginen kelip shıqqan halda onıń basshısı tárepinen belgilenedi. Mámleketlik uyımlar hám shólkemlerdiń uyımlıq hám aymaqlıq bólimleri málimleme xızmetleriniń jumısın shólkemlestiriw tiyisli uyımlardıń zárúrliginen kelip shıǵıp belgileniwi múmkin.

  1. g) mámleketlik uyımlar hám shólkemlerdiń málimleme jumısın muwapıqlastırıp barıw Agentlik tárepinen ámelge asırıladı.
  2. d) tómendegilerge jol qoyılmaydı:

mámleketlik organlar hám shólkemler málimleme xızmetlerine olardıń xızmet wazıypasına kirmeytuģın qosımsha minnetlemeler júklewge; málimleme xızmetleriniń funkciyaları hám wazıypaların mámleketlik organlar hám shólkemlerdiń basqa bólimlerine júklewge;

  1. e) mámleketlik uyımlar hám shólkemlerdiń basshıları:

málimleme xızmetleriniń zamanagóy materiallıq-texnikalıq quralları, sonıń ishinde, televizor, foto- hám videojazıw quralları, joqarı tezliktegi Internetten paydalanıw imkaniyatı, zárúr programmalıq ónimler menen támiyinlengeni, sonday-aq, maman qánigelerdi tartıw ushın jeke juwapker esaplanadı; málimleme xızmetleri xızmetkerlerine, basqa tólemlerden biyǵárez, Ózbekstan Respublikası Mámleketlik byudjeti jáne mámleketlik uyımlar hám shólkemlerdiń óz qarjıları esabınan miynetke haqı tólew fondınıń 50 procentinen kem bolmaǵan muǵdarda aylıq ústeme tólewge haqılı;

  1. j) málimlemeler mámleketlik uyımlar hám shólkemlerdiń veb-saytlarında, sociallıq tarmaqlarda, mobil messendjerlerdegi betlerinde kúnine keminde bir márte jaylastırılıwı hám jańalanıwı kerek.

Mámleketlik uyımlar hám shólkemlerdiń málimleme xızmetleriniń jumısın monitoring etiwdiń nátiyjeli sistemasın engiziw, ǵalaba xabar quralları menen óz-ara birge islesiw boyınsha jumısların shólkemlestiriwde olarǵa járdemlesiw, sonday-aq, málimleme hújimlerine operativ juwap beriw maqsetinde Agentliktiń mámleketlik uyımlardıń málimleme xızmetlerin muwapıqlastırıw bólimi Agentlik oraylıq apparatı basqarıw xızmetkerleriniń belgilengen ulıwma sanın tiyislisinshe arttırıp, 5 shtat birligin qosımsha ajıratqan halda Málimleme xızmetleri jumısın shólkemlestiriw hám muwapıqlastırıw basqarması sıpatında qayta shólkemlestirilsin. Qaraqalpaqstan Respublikası, wálayatlar hám Tashkent qalası málimleme hám ǵalaba kommunikaciyalar basqarmalarında 14 shtat birligin qosımsha ajıratqan halda málimleme xızmetleriniń jumısın shólkemlestiriw hám muwapıqlastırıw sektorı shólkemlestirilsin.

  1. Mámleketlik uyımlar hám shólkemler:

Ózbekistan Respublikası Málimleme texnologiyaların hám kommunikaciyaların rawajlandırıw ministrligi menen birgelikte bir ay múddette baspasóz xatkerlerin baylanıs quralları, sonıń ishinde, húkimetlik baylanıs, sonday-aq, keń polosalı Internet tarmaǵına jalǵanıw imkaniyatı menen támiyinlesin; mámleketlik uyımlar hám shólkemlerdiń málimleme xızmetleri xızmetkerlerin tájiriybe arttırıw hám sırt mámleketlerdiń tiyisli shólkemleriniń jumısı menen jaqınnan tanısıw, sonday-aq, olardı málimleme jaqtan támiyinlew ushın saparǵa shıǵıp atırǵan delegaciyalar quramına kirgiziw, ilajların kórsin. Agentlik Ózbekstan Respublikası Prezidenti Administraciyasınıń strukturalıq bólimleri, Ózbekstan Respublikası Ministrler Kabineti, ministrlikler hám vedomstvolar, qánigeler hám ekspertlerdi tartqan halda qabıl etiliwi rejelestirilgen hám qabıl etilgen sociallıq áhmietke ie normativlik-huqıqıy hújjetlerdiń qaǵıydalarınıń, sonday-aq, áhmietli máseleler boyınsha kútilip atırǵan shólkemlestiriwshilik ilajlardıń ǵalaba xabar qurallarında hám Internet tarmaǵında keńnen sáwlelendiriliwin támiyinlesin.

  1. Agentlik:

mámleketlik uyımlar hám shólkemler tárepinen Ózbekstan Respublikasınıń nızamları, Ózbekstan Respublikası Prezidentiniń qararları hám tapsırmalarınıń orınlanıwı haqqındaǵı jámiechilik pikirin, sonday-aq, olardıń orınlanıwı boyınsha ǵalaba xabar qurallarında hám Internet tarmaǵındaǵı veb-saytlarda mámleketlik uyımlar hám shólkemler járiyalaǵan materiallardı monitoring jolı menen turaqlı túrde úyrenip barsın hám nızam hújjetlerinde názerde tutılǵan ilajlar kóriw ushın tiyisli mámleketlik hákimiyat hám basqarıw uyımlarına málimleme (kórsetpeler) kirgizsin; Ózbekstan Respublikası Prezidenti janındaǵı Mámleketlik basqarıw akademiyası hám Ózbekstan Jurnalistika hám ǵalaba kommunikaciyalar universiteti menen birgelikte mámleketlik uyımlar hám shólkemlerdegi málimleme xızmetleri xızmetkerleri hám basshılarınıń mamanlıǵın arttırıw kursların shólkemlestirsin; eki ay múddette mápdar ministrlikler hám uyımlar menen birgelikte málimleme xızmetleri basshıların attestaciyadan ótkeriw tártibin, sonday-aq, olardıń jumıs nátiyjeliligin bahalaw normaların islep shıqsın hám tastıyıqlasın; 2020-jıl 1-yanvarǵa shekem mápdar ministrlikler hám uyımlar menen birgelikte mámleketlik uyımlar hám shólkemlerdiń málimleme xızmetleriniń basshıların nızam hújjetlerine muwapıq attestaciyadan ótkersin; mámleketlik uyımlar hám shólkemlerge olardıń jumısınıń ashıq-aydınlıǵın támiyinlew, ǵalaba xabar quralları menen óz-ara birge islesiwin jaqsılaw, sonday-aq, málimleme xızmetlerin metodikalıq jaqtan qollap-quwatlaw boyınsha turaqlı járdem kórsetip barsın; ǵalaba xabar quralları, Internet tarmaǵı, sonıń ishinde, sociallıq tarmaqlar hám mobil messendjerlerde járiyalanıp atırǵan xalıqtıń keń qatlamlarınıń pikirine unamsız tásir kórsetetuǵın maǵlıwmatlardıń turaqlı monitoringin ámelge asırsın jáne tiyisli mámleketlik uyımlar hám shólkemlerdiń málimleme xızmetleri múnásibet bildiriwi ushın olarǵa jibersin; mámleketlik uyımlar hám shólkemlerdiń málimleme xızmetleriniń xızmetkerlerin, sonıń ishinde, mámleketlik sıylıqlarǵa usınıs etiw arqalı xoshametlep barıw ilajların kórsin; mámleketlik uyımlar hám shólkemlerdiń málimleme xızmetleriniń reestrin qáliplestirsin hám onı turaqlı jańalap barsın; mámleketlik uyımlar hám shólkemler málimleme xızmetleriniń jumısın, olardıń maman kadrlar, materiallıq-texnikalıq qurallar menen támiyinlengenligi hám ózine júklengen wazıypalardıń orınlanıwın úyrensin.

  1. Ózbekstan Respublikası Qarjı ministrligi: Sırt elde Ózbekstannıń unamlı imidjin alǵa qoyıw, mámleketimizde ámelge asırılıp atırǵan reformalar haqqında úgit-násiyatlaw hám jámiechilikti keńnen xabardar etiwge qaratılǵan málimleme kampaniyaların ótkeriw jáne Agentlikke júklengen basqa da wazıypalardıń orınlanıwın finanslıq támiyinlew maqsetinde Ózbekstan Respublikasınıń málimleme tarawın hám ǵalaba kommunikaciyalardı rawajlandırıwdı qollap-quwatlaw qorına Ózbekstan Respublikası Mámleketlik byudjeti qarjıları esabınan hár jılı 20 milliard sum ajıratılıwın támiyinlesin; hár jılı Ózbekstan Respublikası Mámleketlik byudjeti parametrlerin qáliplestiriwde Agentlik hám onıń aymaqlıq bólimleriniń támiynatı hám materiallıq-texnikalıq úskeneleniwi ushın qarjılardı názerde tucın.

Agentlikke ilajlar (konferenciyalar, brifingler, “dápter sáwbetleri,” prezentaciyalar hám basqalar) dı shólkemlestiriwge baylanıslı júklengen wazıypalardıń zárúr dárejede orınlanıwın támiyinlew maqsetinde Málimleme tarawın hám ǵalaba kommunikaciyalardı rawajlandırıwdı qollap-quwatlaw qorınıń qarjıları esabınan jumıslar (xızmetler) jetkerip beriwshiler menen tikkeley shártnamalar dúziwge burınǵısınan basqasha tárizde ruqsat etilsin. ҳар йили Ўзбекистон Республикаси Давлат бюджети параметрларини шакллантиришда Агентлик ва унинг ҳудудий бўлинмалари таъминоти ва моддий-техник жиҳозланиши учун маблағларни назарда тутсин.

  1. Агентликка тадбирлар (анжуманлар, брифинглар, «давра суҳбатлари», тақдимотлар ва бошқалар)ни ташкил этиш билан боғлиқ юклатилган вазифаларнинг лозим даражада бажарилишини таъминлаш мақсадида Ахборот соҳаси ва оммавий коммуникацияларни ривожлантиришни қўллаб-қувватлаш жамғармаси маблағлари ҳисобидан ишлар (хизматлар) етказиб берувчилар билан тўғридан-тўғри шартномалар тузишга истисно тариқасида рухсат берилсин.

Málimleme texnologiyaları hám kommunikaciyaların rawajlandırıw ministrligi málimleme qáwipsizligi máplerinen kelip shıqqan halda mámleketlik uyımlar hám shólkemler jáne ǵalaba xabar qurallarınıń Internet tarmaǵınan paydalanıwı, texnikalıq xızmet kórsetiliwi hám jalǵanıwı jáne olardıń serverleri TAS-IX tarmaǵına jaylastırılıwı menen baylanıslı qárejetlerdi azaytıw ilajların kórsin.

  1. Ózbekstan Respublikası Prezidentiniń 2019-jıl 2-fevraldaǵı “Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentliginiń jumısın shólkemlestiriw haqqında”ǵı PQ-4151-sanlı qararına qosımshaǵa muwapıq ózgerisler kirgizilsin.
  2. Ózbekstan Respublikası Ádillik ministrligi:

Agentlik, mápdar ministrlikler hám vedomstvolar menen birgelikte 2019-jıl 1-sentyabrge shekem Ózbekstan Respublikası Ministrler Kabinetine ǵalaba xabar quralların hám poligrafiya kárxanaların mámleketlik dizimnen ótkeriw, sonday-aq, baspa jumısın licenziyalaw boyınsha mámleketlik xızmetlerdi kórsetiwdiń hákimshilik reglamentleriniń joybarların kirgizsin; eki ay múddette Ózbekstan Respublikası Ministrler Kabinetine mámleketlik uyımlar hám shólkemler tárepinen maǵlıwmat bermegenlik yamasa nadurıs maǵlıwmat bergenlik, sonday-aq, ǵalaba xabar qurallarınıń jumısına tosqınlıq etkenlik hám jurnalistlerge basım ótkergenlik ushın juwapkershilikti belgilew haqqında usınıslar kirgizsin. Agentlik mápdar ministrlikler hám uyımlar menen birgelikte eki ay múddette nızam hújjetlerine usı qarardan kelip shıǵatuǵın ózgerisler hám qosımshalar haqqında Ózbekstan Respublikası Ministrler Kabinetine usınıslar kirgizsin. Usı qarardıń orınlanıwın qadaǵalaw Ózbekstan Respublikasınıń Bas ministri A.N.Aripovqa hám Ózbekstan Respublikası Prezidenti Administraciyasınıń basshısı Z.Sh.Nizomiddinovqa júklensin. Ózbekstan Respublikası Prezidenti Sh.MIRZIYOEV Tashkent qalası, 2019-jıl 27-iyun, PQ-4366-sanlı. Ózbekstan Respublikası Prezidentiniń 2019-jıl 27-iyundaǵı PQ-4366-sanlı qararına qosımsha Ózbekstan Respublikası Prezidentiniń 2019-jıl 2-fevraldaǵı “Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi jumısın shólkemlestiriw haqqında”ǵı PQ-4151-sanlı qararına kirgizilip atırǵan ózgerisler

  1. 2-bánti tómendegi redakciyada bayan etilsin:

“2. Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi (keyingi orınlarda – Agentlik) sisteması basqarıw xızmetkerleriniń sheklengen sanı Ózbekstan Respublikası Mámleketlik byudjeti qarjıları esabınan qarjılandırılatuǵın 146 adam, sonıń ishinde, oraylıq apparatında – 86 adam hám aymaqlıq bólimlerinde – 60 adam muǵdarında belgilensin”;

  1. 18-bánt tómendegi redakciyada bayan etilsin:

“18. Agentlikke Ózbekstan Respublikası Mámleketlik byudjeti qarjıları esabınan 6 dana, sonıń ishinde, 4 jeke biriktirilgen hám 2 náwbechi xızmet jeńil avtomobillerin satıp alıw hám saqlaw ushın limit belgilensin”;

  1. 2-qosimsha tómendegi redakciyada bayan etilsin:

“Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentliginiń dúzilisi Basqarıw xızmetkerleriniń ulıwma sheklengen sanı – 86 adam.

  1. 3-qosimsha tómendegi redakciyada bayan etilsin:

“Qaraqalpaqstan Respublikası, wálayatlar hám Tashkent qalası málimleme hám ǵalaba kommunikaciyalar basqarmalarınıń úlgi strukturası Xızmetkerlerdiń jámi shtat birligi (texnikalıq hám xızmet kórsetiwshi xızmetkerler buǵan kirmeydi) – 4-5 adam. Qaraqalpaqstan Respublikası, wálayatlar hám Tashkent qalası málimleme hám ǵalaba kommunikaciyalar basqarmaları xızmetkerleriniń ulıwma sheklengen sanı (texnikalıq hám xızmet kórsetiwshi xızmetkerler buǵan kirmeydi) – 60 adam.   (Nızam hújjetleri maǵlıwmatları milliy bazası, 28.06.2019-j., 07/19/4366/3343-san, 11.12.2019-j., 06/19/5892/4134-san)