Ministrler Kabinetiniń 2021-jıl 15-iyundaǵı 373-sanlı qararına 3-QOSÍMSHA
Mámleketlik uyımlar, xojalıq birlespeleri hám jergilikli atqarıwshı hákimiyat uyımlarınıń rásmiy veb-saytına qoyılatuǵın
Tiykarģı talaplar.
1-bap. Mámleketlik uyımlar, xojalıq birlespeleri hám jergilikli atqarıwshı hákimiyat uyımlarınıń rásmiy veb-saytında jaylastırıw ushın májbúriy bolǵan málimlemeler dizimi;
Mámleketlik uyımlar, xojalıq birlespeleri hám jergilikli atqarıwshı hákimiyat uyımınıń rásmiy veb-saytında (keyingi orınlarda – rásmiy veb-sayt) jaylastırılıwı májbúriy bolǵan málimlemelerge tómendegiler kiredi:
mámleketlik uyımlar, xojalıq birlespeleri hám jergilikli atqarıwshı hákimiyat uyımınıń huqıqıy statusın, sonıń ishinde, onıń strukturalıq bólimleri hám vedomstvolıq shólkemlerdiń shólkemlestiriwshilik strukturası, wazıypaları hám funkciyaların belgileytuǵın normativlik-huqıqıy hújjetler; mámleketlik uyımlar, xojalıq birlespeleri hám jergilikli atqarıwshı hákimiyat uyımı tárepinen qabıl etilgen normativlik-huqıqıy hújjetler hám basqa hújjetler, sonıń ishinde, isbilermenlik subektleri menen óz-ara qatnasıqlar máselelerin, sonıń ishinde, tártip-qaǵıydalar, mámleketlik xızmetlerdi hám xızmetlerdiń basqa túrlerin kórsetiw múddetleri hám bahasın tártipke salıwshı hújjetler (sheklengen túrde tarqatılatuǵın Ózbekstan Respublikasına investiciya kirgiziw ushın qarar qabıl etiw ushın zárúr bolǵan statistikalıq hám basqa da maǵlıwmatlar.
Mámleketlik uyımlar, xojalıq birlespeleri hám jergilikli atqarıwshı hákimiyat tárepinen múlk iesi (shólkemlestiriwshi, akcioner, qatnasıwshı) funkciyaların ámelge asırıwda olar tárepinen usı mámleket qatnasıwındaǵı kárxanalardıń ustav kapitalı, mámleketlik úlesi, hár sherek hám jıl juwmaqları boyınsha buxgalteriyalıq balansı hám finanslıq nátiyjeleri, óndiris kórsetkishleri, jumıs orınlarınıń sanı, basqarıw hám qadaǵalaw uyımlarınıń quramı haqqındaǵı maǵlıwmatlar (sheklengen túrde tarqatılatuǵın hám kommerciyalıq sırı bar hújjetler buǵan kirmeydi) ózleriniń rásmiy veb-saytlarında jaylastırıladı.
Mámleketlik uyımlar, xojalıq birlespeleri hám jergilikli atqarıwshı hákimiyat uyımı tárepinen rásmiy veb-sayt arqalı kórsetiletuǵın elektron mámleketlik xızmetler dizimine tómendegiler májbúriy tártipte usınıladı:
mámleketlik uyımlar, xojalıq birlespeleri hám jergilikli atqarıwshı hákimiyat uyımı basshıları haqqındaǵı maǵlıwmatlar (familiyası, atı, ákesiniń atı, biografiyalıq maǵlıwmatlar hám olar menen baylanıs maǵlıwmatları, fizikalıq shaxslardı hám yuridikalıq shaxslardıń wákillerin qabıl etiw kúnleri hámde saatları); mámleketlik uyımlar, xojalıq birlespeleri hám jergilikli atqarıwshı hákimiyat uyımı hám onıń bólimleriniń (sonıń ishinde fizikalıq hám yuridikalıq shaxslardıń múrájatları menen islesiw bólimleriniń) telefon nomerleri hám mánzilli rekvizitleri (pochta, elektron mánzili hám basqalar), olardıń jumıs tártibi haqqındaǵı maǵlıwmatlar, maǵlıwmatlar beriw xızmeti hám isenim telefonlarınıń nomerleri, kiriw jolları, toqtaw orınları hám jámietlik Internet tarmaǵındaǵı basqa da tiyisli veb-saytlarǵa hám Ózbekstan Respublikasınıń Húkimet portalına siltemeler; keri baylanıs imkaniyatları, yuridikalıq hám fizikalıq táreplerdiń esabatları, xatları, arzaları, shaǵımların mámleketlik uyımlar, xojalıq birlespeleri hám jergilikli atqarıwshı hákimiyat uyımınıń jumısı haqqında maǵlıwmat alıwǵa sorawları hám múrájatlarınıń basqa da formaların qabıl etiw (elektron sanlı imzadan paydalanıwına qaray); mámleketlik uyımlar, xojalıq birlespeleri hám jergilikli atqarıwshı hákimiyat uyımınıń baspasóz xızmeti haqqındaǵı maǵlıwmatlar (juwapker xızmetkerler menen baylanısqa kirisiw haqqındaǵı maǵlıwmatlar); mámleketlik uyımlar, xojalıq birlespeleri hám jergilikli atqarıwshı hákimiyat uyımı tá “Elektron mámleketlik xızmetler” hám “Ashıq maǵlıwmatlar” ayrıqsha bólimleri; elektron pochta arqalı jáne daǵazalar hám jańalıqlardı jetkerip beriwdiń ǵalabalıq avtomatlastırılǵan formatları (sonıń ishinde, SMS jiberiw jolı menen) arqalı rásmiy veb-sayttı jańalawǵa jazılıw imkaniyatı; mámleketlik uyımlar, xojalıq birlespeleri hám jergilikli atqarıwshı hákimiyat uyımınıń “Elektron húkimet” sistemasında qatnasıwı, onıń roli hám qatnasıw ózgesheligi, sonday-aq, usı tarawda ámelge asırılatuǵın ilajlar (qanday mámleketlik xızmetler kórsetiledi, qanday maǵlıwmatlar almasıladı hám usı sıyaqlılar) haqqındaǵı maǵlıwmatlar; xalıq hám isbilermenlik subektleriniń tez beriletuǵın sorawlarına juwaplar
Rásmiy veb-saytta basqa dereklerden málimlemelerdi jaylastırıwǵa tek ǵana málimleme dáregi kórsetilgen jaǵdayda jol qoyıladı.
2-bap. Rásmiy veb-sayttı júrgiziwge qoyılatuǵın talaplar
Rásmiy veb-saytta jaylastırılǵan tiykarǵı málimlemeden paydalanıw erkin hám biypul bolıwı kerek.
Elektron mámleketlik xızmetler nızam hújjetlerinde belgilengen tártipte tólemli tiykarda kórsetiliwi múmkin.
Rásmiy veb-saytqa jaylastırılıp atırǵan maǵlıwmatlardıń sánesi kórsetiliwi hám olar turaqlı túrde jańalanıp barılıwı kerek. Málimlemelerdi jańalap barıw múddeti mámleketlik uyımlar hám xojalıq birlespeleri, jergilikli atqarıwshı hákimiyat uyımı tárepinen belgilenedi, biraq málimlemeler bir háptede keminde bir márte jańalanıp barılıwı kerek.
Mámleketlik uyımlar, xojalıq birlespeleri hám jergilikli atqarıwshı hákimiyat uyımları ózleri tárepinen qabıl etilgen normativlik huqıqıy hújjetlerdi (zárúr bolǵanda málimleme-tallaw materialları menen birge) ózleriniń rásmiy veb-saytlarına normativlik huqıqıy hújjet rásmiy járiyalanǵannan keyin bir kúnnen keshikpey jaylastırıwǵa májbúr.
Mámleketlik uyımlar, xojalıq birlespeleri hám jergilikli atqarıwshı hákimiyat uyımı baslıqtıń buyrıǵı menen rásmiy veb-sayttaǵı málimlemelerdi qáliplestiriw, jaylastırıw, sonday-aq, jańalap barıw ushın juwapker bolǵan shaxslardı (bólimdi) belgileydi.
Mámleketlik uyımlar, xojalıq birlespeleri hám jergilikli atqarıwshı hákimiyat uyımınıń rásmiy veb-saytı Internet tarmaǵındaǵı.”UZ” domen zonasında hám Ózbekstan Respublikasınıń Húkimet portalında belgilengen tártipte dizimnen ótkeriliwi, sonday-aq, Ózbekstan Respublikası aymaǵında serverde fizikalıq jaylastırılıwı (xosting) kerek.
Rásmiy veb-sayttaǵı málimlemeler mámleketlik tilde usınılıwı kerek. Rásmiy veb-sayt magliwmatları basqa tillerdegi versiyaga iye boliwi múmkin.
Mámleketlik uyımlar, xojalıq birlespeleri hám jergilikli atqarıwshı hákimiyat uyımı óziniń rásmiy veb-saytında jaylastırılǵan málimlemelerdiń joq etiliwi, tosıp qoyılıwı, buzıp talqılanıwınıń, qálbekilestiriliwiniń hám basqa da túrdegi ruqsacız aralasıwlardıń aldın alıw boyınsha tiyisli qorǵaw ilajların kóriwi kerek.
Barlıq mámleketlik uyımlar, xojalıq birlespeleri hám jergilikli atqarıwshı hákimiyat uyımlarınıń rásmiy veb-saytlarında engiziw ushın májbúriy bolǵan tiykarǵı funkciyalarǵa tómendegiler tiyisli:
veb-sayt boyınsha keńeytilgen izlew, sonday-aq, dáslepki izlew nátiyjesi tiykarında tereń izlew wazıypaları; mobil qurılmalar ushın beyimlestirilgen dizaynlı veb-sayt versiyası; imkaniyatları sheklengen shaxslar ushın qosımsha qolaylıqlardı usınıw (kontrasttı qosıw, shriftti úlkeytiw, dawıs júrgiziw funkciyaları hám basqalar); veb-saytqa qáwipsiz kiriwdi usınıw (qáwipsiz málimlemeni uzatıwdı yamasa tólemli xızmetler kórsetiwdi názerde tutatuǵın saytlar ushın); puqaralardıń múrájatlarınıń kórip shıǵılıw jaǵdayı hám waqtın, sonday-aq, elektron mámleketlik xızmetler kórsetiw jaǵdayın baqlap barıw, sonıń ishinde, elektron pochtaǵa hám/yamasa arza beriwshiniń mobil telefonına xabarnamalar jiberi
Jergilikli atqarıw hákimiyatı uyımlarınıń rásmiy veb-saytlarında engiziw ushın májbúriy bolǵan tiykarǵı funkciyalarǵa qosımsha túrde tómendegiler tiyisli:
jerdi iyelew, paydalanıw ushın beriw hám kárxanalar, mákemeler, shólkemler, diyqan xojalıqları, puqaralarǵa ijaraǵa beriw haqqındaǵı málimlemeler; dáslepki kórip shıǵıw hám máselelerdi sessiyaǵa tayarlaw boyınsha turaqlı hám waqtınsha komissiyalardıń dizimi hám quramı; hákimlerdiń xalıq hám isbilermenlik subektleriniń huqıqları hám nızamlı máplerine baylanıslı qararlarınıń reestri.
Tikkeley yamasa vedomstvolıq shólkemler arqalı xalıqqa hám isbilermenlik subektlerine xızmetler kórsetetuǵın yamasa tovarlardı satatuǵın xojalıq basqarıw uyımları, sonday-aq, ustav fondında mámleketlik úlesi 50 procentten artıq bolǵan mámleketlik unitar kárxanalar ózleriniń rásmiy veb-saytlarında májbúriy túrde tómendegi funkciyalardı názerde tutıwı kerek:
tovarlar hám xızmetlerdiń túrleri hám bahaları (tarifleri) haqqındaǵı tolıq hám áhmiyetli maǵlıwmatlardı qolaylı formada usınıw; Internet tarmaǵı arqalı tovarlar hám xızmetlerge elektron tólew hám tastıyıqlaw imkaniyatı.
Rásmiy veb-saytlar arqalı xalıqqa hám isbilermenlik subektlerine mámleketlik xızmetlerdi kórsetiwshi mámleketlik uyımlar, xojalıq birlespeleri hám jergilikli atqarıwshı hákimiyat uyımları tómendegi imkaniyatlardı názerde tutıwı kerek:
mobil qurılmalar járdeminde arzalar, deklaraciyalar, sorawnamalar, blankalar hám basqa da zárúr hújjetlerdiń elektron formaların toltırıw; mobil qurılmalar járdeminde járiymalar, salıqlar, mámleketlik bajılar hám basqa da tólemlerdi onlayn tólew; xızmetler kórsetiwge sorawdı rásmiylestiriwde (formalardı toltırıwda) hújjetlerdiń elektron versiyaların biriktiriw. 3-bap. Rásmiy veb-sayttıń quramına qoyılatuǵın talaplar
Rásmiy veb-sayt málimlemeleriniń quramı onıń jumısınıń qalıs sáwleleniwin támiyinlewi kerek.
Rásmiy veb-saytqa jaylastırılǵan málimleme isenimli bolıwı kerek. Mámleketlik uyımlar, xojalıq birlespeleri hám jergilikli atqarıwshı hákimiyat uyımınıń basshıları rásmiy veb-saytqa jaylastırılatuǵın málimlemelerdiń isenimliligi ushın juwapker boladı.
Rásmiy veb-saytqa jaylastırılatuǵın málimleme ǵalaba xabar qurallarında járiyalanǵan málimleme menen teń kúshke ie boladı.
Rásmiy veb-saytta mámleketlik sırlarǵa baylanıslı, xızmette paydalanıwǵa baylanıslı hám nızam hújjetleri menen járiyalaw hám tarqatıw qadaǵan etilgen basqa da málimlemeler bolmawı kerek.
