Agrar hám azıq-awqat tarawı – bul xalqımızdıń abadanlıǵı hám azıq-awqat qáwipsizligin támiyinlewdiń áhmietli faktorı.
Búgingi kúnde aldımızda turǵan eń áhmietli wazıypalardan biri – bul xalqımızdıń dasturxanın arzan hám sapalı ónimler menen toltırıw bolıp esaplanadı.
Bunıń ushın biz tómendegi baǵdarlarda jedel jumıs alıp baramız:
* Zamanagóy texnologiyalardı engiziw: Awıl xojalıǵında zamanagóy texnologiyalardı engiziw arqalı ónimdarlıqtı arttırıw, suw resursların únemlew hám ekologiyalıq taza ónimler jetistiriwge erisemiz.
* Fermerlerdi qollap-quwatlaw: Fermerlerdi finanslıq hám texnikalıq jaqtan qollap-quwatlaw, olarǵa zamanagóy úskeneler hám texnologiyalardı usınıw arqalı olardıń jumıs iskerligin jáne de nátiyjeli etiwge erisemiz.
* Azıq-awqat ónimlerin qayta islewdi rawajlandırıw: Azıq-awqat ónimlerin qayta islewdi rawajlandırıw arqalı olardıń saqlanıw múddetin uzaytıw, jańa túrdegi ónimlerdi islep shıǵarıw hám eksport etiw imkaniyatların keńeytiwge erisemiz.
* Logistika hám sawda tarmaqların jetilistiriw: Azıq-awqat ónimlerin jetkerip beriw hám satıw processlerin jetilistiriw arqalı olardıń bahasın tómenletiw hám xalqımızǵa sapalı ónimlerdi arzan bahalarda jetkerip beriwge erisemiz.
Biz óz aldımızǵa qoyılǵan wazıypalardıń óz waqtında hám sapalı orınlanıwın támiyinlew ushın barlıq imkaniyatlardı iske qosamız.
Xalqımızdıń abadanlıǵı hám azıq-awqat qáwipsizligin támiyinlew jolında birgelikte háreket etemiz!
Awıl xojalıǵında ámelge asırılıp atırǵan jumıslar haqqında maǵlıwmat
Assalawma áleykum húrmetli brifing qatnasıwshıları!
Jıl basında belgilep berilgen wazıypalar boyınsha jumıslardı tiyisli taraw qánigeleri menen birgelikte sistemalı shólkemlestirgenbiz. Máwsim dawamında hár kúnnen únemli paydalanǵan halda shigit egiw hám tarawda investiciyalardı tartıw hám ózlestiriwdi jedellestiriw jáne belgilengen eksport kórsetkishlerin orınlaw boyınsha anıq wazıypalar belgilep alǵanbız.
Egislik maydanları hám egiw jumısları:
* Bıyılǵı jıldıń zúrááti ushın 314 mıń 281 gektar tiykarǵı egislik maydanlarına awıl xojalıǵı eginleri jaylastırıldı.
80 mıń gektarǵa paxta, 53 mıń gektarǵa ǵálle, 12,7 mıń gektarǵa ovosh, 11,8 mıń gektarǵa palız, 2,5 mıń gektarǵa kartoshka, 13,6 mıń gektarǵa sobıqlı, 40,3 mıń gektarǵa maylı, 92,7 mıń gektarǵa ot-jem, 5,3 mıń gektarǵa basqalar.
* Búgingi kúnde 80 gektar maydanǵa shigit, 10 mıń 915 gektar ovosh, 19 mıń 972 gektar maydanǵa maylı, 5 mıń 973 gektar maydanǵa sobıqlı, 2 mıń 500 gektar kartoshka, 92,7 mıń gektar maydanǵa azıqlıq eginlerin egiw jumısları fermer xojalıqları hám awıl xojalıǵı kárxanaları tárepinen tolıq juwmaqlandı.
* Ǵálleden bosaǵan 21 mıń gektar maydanlarǵa tákirarıy eginler jaylastırıldı.
* 3,6 mıń gektarǵa ovosh, 1,1 mıń gektarǵa palız, 9,4 mıń gektarǵa sobıqlı, 1,5 mıń gektarǵa maylı, 3,8 mıń gektarǵa ot-jem, 1,5 mıń gektarǵa basqalar.
* Baǵ hám júzim qatar aralarına jámi 2 mıń 500 gektar awıl xojalıǵı eginleri jaylastırıldı.
2,4 mıń gektarǵa ovosh, 100 gektarǵa palız eginleri.
Jańadan baǵ hám júzimzarlar jaratıw:
* Ózbekstan Respublikası Prezidentiniń 2024-jıl 30-sentyabrdegi PP-151-sanlı Pármanı menen Qaraqalpaqstan Respublikası rayonlarında usı jılı 800 gektar maydanda jańadan baǵ hám júzim atızların jaratıw belgilendi.
* 645 gektarda miyweli baǵ hám 155 gektarda júzimzarlıq.
* 1-sherek jaǵdayına 455 gektar maydanda miyweli baǵ hám 65 gektar maydanda jańadan júzim baǵları jaratıldı.
Eksport:
* Usı jılı 47,3 mln dollarlıq 83,2 mıń tonna miywe-ovosh hám azıq-awqat ónimlerin eksport etiw rejelestirilgen.
* Búgingi kúnde 10,6 mln dollarlıq 14,6 mıń tonna miywe-ovosh hám azıq-awqat sanaatı ónimleri eksport etildi.
Resurs únemlewshi texnologiyalar:
* 74,8 mıń gektar maydanlarǵa resurs únemlewshi texnologiyalardı engiziw boyınsha rejeler belgilep alınǵan.
Jámi 26 mıń 398 gektar maydanda suwdı únemlewshi texnologiyalar engizildi.
* 22 mıń 601 gektar maydanlar lazerli tegislegishler járdeminde tegislendi.
* 1-sherekte 661 gektar jawınlatıp hám 1 mıń 957 gektar iyiliwsheń qubırlar járdeminde suwǵarıw úskeneleri engizildi.
Joybarlar hám investiciyalar:
* Awıl xojalıǵı hám azıq-awqat baǵdarında ulıwma bahası 977 mlrd. sumlıq 91 joybar qáliplestirilgen.
* Bul joybarlardı ámelge asırıw nátiyjesinde 1619 jańa jumıs orınlarınıń jaratılıwı belgilengen.
Jámi bahası 94 mlrd 75 mln sum qarjılar ózlestirilip, bahası 11 mlrd. sumlıq 19 joybar ámelge asırılıp, 59 jańa jumıs orınları jaratıldı.
Baslamashılar esabınan paydalanıw:
* Usı jılı 8 mıń 745 gektar maydanlar intakerler esabınan paydalanıwǵa kirgiziledi, 59 km suwǵarıw tarmaqları, 10 km kollektor tarmaqları ońlanadı.
* Jerlerden paydalanıwda intakerler esabınan bahası 14 mlrd. sumlıq jumıslar ámelge asırıldı.
* 57,6 km suwǵarıw tarmaqları, 0,5 km kollektor tarmaqları ońlandı.
1-sherekte belgilengen 2 mıń 54 gektar jer maydanı qayta paydalanıwǵa kirgizildi (reje 101,5 procentke orınlandı).
* 721 jańa jumıs orınları jaratıldı.
Mexanizaciyalaw:
* Usı jılı bahası 277 mlrd sumlıq 700 awıl xojalıǵı texnikası satıp alınadı.
* Texnika támiynatı 85 procentten 90 procentke jetkeriledi.
Agrar hám azıq-awqat tarawındaǵı jáne xalqımızdıń dasturxanın arzan hám sapalı ónimler menen toltırıwda aldımızǵa qoyılǵan wazıypalardıń óz waqtında hám sapalı orınlanıwın támiyinleymiz.
Itibarıńız ushın raxmet!
Qaraqalpaqstan Respublikası Awıl xojalıǵı ministrliginiń statistikalıq tallaw hám jıyındı málimleme sektorı baslıǵı Islam Shukurullaev.
