Zamonaviy agrotexnika: mo‘l hosil kaliti

Kunning ikkinchi yarmida Qoraqalpog‘iston Respublikasi Vazirlar Kengashi Raisining qishloq va suv xo‘jaligi masalalari bo‘yicha o‘rinbosari Sh.Teshayev 2025-yil hosili uchun chigit ekilgan maydonlarda agrotexnik tadbirlarni amalga oshirish, shuningdek, 1-kultivatsiya, oziqlantirish, biomahsulot yetishtirish va boshqa ishlarni ko‘zdan kechirish maqsadida Nukus tumanidagi «Arbashi» qishloq fuqarolar yig‘inidagi «Nukus agro» mas’uliyati cheklangan jamiyati va Kegeyli tumanidagi «Ishanqala» qishloq fuqarolar yig‘inidagi «Yulduz» fermer xo‘jaliklarida seminar o‘tkazdi.

Unda tuman hokimlari, fermerlar va qishloq xo‘jaligi sohasi xodimlari ishtirok etdi.

Seminarda 2025 yil hosili uchun chigit ekilgan maydonlarning holati, agrotexnik tadbirlarni o‘z vaqtida va sifatli bajarishning ahamiyati, shuningdek, zamonaviy agrotexnika usullaridan foydalanishning afzalliklari muhokama qilindi.

Sh.Teshayev o‘z so‘zida qishloq xo‘jaligi sohasida innovatsion yondashuvlarni joriy etishning muhimligi, zamonaviy texnologiyalarni qo‘llash, sug‘orish tizimlarini takomillashtirish orqali hosildorlikni oshirish va sifatli mahsulot yetishtirish mumkinligini ta’kidladi.

Seminar davomida fermerlarga 1-kultivatsiya, oziqlantirish, biomahsulot yetishtirish va boshqa agrotexnik ishlarni to‘g‘ri bajarish bo‘yicha amaliy maslahatlar berildi.

Tuman hokimlari o‘z navbatida fermerlarga har qanday masalalar yuzaga kelganda davlat tomonidan ko‘rsatiladigan yordam va qo‘llab-quvvatlash haqida ma’lumot berdi.

Ushbu seminar qishloq xo‘jaligi sohasida innovatsion yondashuvlarni joriy etishga qaratilgan muhim qadam bo‘lib, kelajakda bu sohada yanada ulkan yutuqlarga erishish imkonini beradi.