Beruniy va Ellikqaladagi ko’rgazmali seminar

Beruniy tumanidagi «Navoiy» OFY va Ellikqala tumanidagi «Guldursin» OFY hududlarida joylashgan «Eldor Yo’ldoshboy» va «Guldursin parvozi» fermer xo’jaliklarida 2026-yil hosili uchun g’alla ekish ishlarini tashkil etish va g’o’za maydonlarida defoliyatsiya qilish ishlarini tizimli tashkil qilish bo’yicha ko’rgazmali seminar bo’lib o’tdi.

Ushbu muhim tadbirda Qoraqalpog’iston Respublikasi Vazirlar Kengashi Raisining qishloq va suv xo’jaligi masalalari bo’yicha o’rinbosari Sh.Teshaev, tuman hokimlari va soha mutasaddilari ishtirok etdi. Seminar davomida g’alla ekish va g’o’za defoliyatsiyasi bo’yicha ilg’or tajribalar namoyish etildi, soha mutaxassislari o’zaro fikr almashdilar.

Tadbirning eng hayajonli qismi – urug’lar sepish marosimi bo’ldi. Ishtirokchilar birgalikda yerga urug’ qadab, 2026-yil hosili uchun baraka tiladilar. Bu marosim kelajakka umid bilan qarash, mehnatsevar dehqonlarimizning fidokorona mehnatini qadrlash va tabiat bilan uyg’unlikda yashashga intilishning ramzi edi.