Tórtkúl rayonında PQ-465 qararı orınlanıwı boyınsha ámeliy seminar shólkemlestirildi

Tórtkúl rayonı “Qosnazar Paxtakor” fermer xojalıǵı aymaǵında Prezidentimizdiń 2024-jıl 30-dekabrdegi PQ-465-sanlı qararınıń orınlanıwın támiyinlewge qaratılǵan seminar ótkerildi.

Ushırasıwda juwapker shólkemlerdiń wákilleri, Ósimlikler karantini hám qorǵaw bóliminiń xızmetkerleri, awıl xojalıǵı tarawınıń joqarı márti qánigeleri hám fermer xojalıqlarınıń basshıları qatnastı.

Ilaj dawamında rayondaǵı jer resurslarınan aqılǵa muwapıq paydalanıw, atız shetindegi bos jerlerdi ózlestiriw, kollektor-drenaj tarmaqları átiraplarınan nátiyjeli paydalanıw hám eksportqa qolaylı ónimlerdi egiw boyınsha pikir-usınıslar bildirildi. Sonday-aq, qıytaq jerlerden ónimli paydalanıw, xalıqtıń ózin-ózi azıq-awqat penen támiyinlewdi kúsheytiw hám qosımsha ónim alıw máseleleri talqılandı.

Seminar juwmaǵında qatnasıwshılarǵa ámeliy baǵdarlar boyınsha másláhátler berilip, qarardıń orınlanıwın sistemalı ámelge asırıw boyınsha rayon kesiminde anıq wazıypalar belgilep alındı. ___