Organikalıq shıǵındılar – topıraq ónimdarlıǵı deregi ️

Mámleketimizde ekologiyalıq jaǵdaydı jaqsılaw, jer resurslarınan aqılǵa uǵras paydalanıw hámde awıl xojalıǵında turaqlı ámeliyatlardı keńnen engiziw maqsetinde aymaqlarda ámeliy ilajlar basqıshpa-basqısh ámelge asırılmaqta.

️Usı sheńberde, Awıl xojalıǵı ministrligi hám aymaqlıq hákimlikler menen birgelikte Xorezm wálayatı hám Qaraqalpaqstan Respublikasında suwǵarılatuǵın jer maydanlarında shaqa-shabba, ósimlik japıraqları hám basqa da organikalıq qaldıqlardan paydalanǵan halda tábiyǵıy tóginler tayarlaw boyınsha oqıw-ámeliy seminarlar jolǵa qoyıldı. ️

Seminarlar dawamında organikalıq shıǵındılardı órtep jibermey, arnawlı uralarda toplaw hám qayta islew arqalı topıraq ónimdarlıǵın arttırıwǵa qaratılǵan nátiyjeli usıllar kórsetilmekte. ✅Tadbirlar sheńberinde taraw ilimpazları hám tájiriybeli qánigeler tárepinen tábiyǵıy tóginlerdiń jer ónimdarlıǵı hám zúráátlilikke tásiri boyınsha ilimiy-ámeliy usınıslar berilmekte.

Bul seminarlar awıl xojalıǵında ekologiyalıq qatnaslardı keńeytiw hám óndiris nátiyjeliligin arttırıwǵa xızmet etetuǵını menen áhmietli.

Maǵlıwmat ushın: usı jıldıń 26-yanvar – 3-fevral kúnleri belgilengen grafik tiykarında respublikanıń barlıq aymaqlarında tábiyǵıy tóginler tayarlaw boyınsha oqıw-ámeliy seminarlar ótkeriliwi belgilengen.