Qanlıkól rayonında gezektegi agrar seminar shólkemlestirildi

Taqıyatas, Xojeli, Shomanay, Qońırat hám Moynaq rayonlarında ótkerilgen seminarlardıń dawamı sıpatında Qanlıkól rayonı Mádeniyat sarayınıń imaratında awıl xojalıǵı tarawına baylanıslı áhmietli máselelerge baǵıshlanǵan gezektegi seminar bolıp ótti.

Bul seminar joqarıda belgilengen tiykarǵı wazıypalar tiykarında shólkemlestirilip, onda aymaqlarda báhárgi agrotexnikalıq ilajlardı sapalı ámelge asırıw, egislik maydanların zárúr mineral tóginler hám biostimulyatorlar menen támiyinlew, zamanagóy agrotexnologiyalardı keńnen engiziw jáne tuqım hám basqa da resurslardı óz waqtında jetkerip beriw máseleleri dodalandı.

Seminar dawamında Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı tárepinen fermer xojalıqları wákilleriniń múrájatları tıńlanıp, olardıń mashqalaların sheshiw boyınsha tiyisli kórsetpeler berildi.

Ilaj juwmaǵında tarawda bar máselelerdi sistemalı saplastırıw, agrotexnikalıq processlerdi nátiyjeli shólkemlestiriw hám zúráátlilikti arttırıwǵa qaratılǵan anıq wazıypalar belgilep berildi.