Shımbay rayonında agrar tarawda gezektegi seminar ótkerildi

Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı Kamiljan Aytbaev basshılıǵındaǵı gezektegi seminar Shımbay rayonı hákimliginde bolıp ótti.

Bul ilajda Shımbay rayonı hákiminiń awıl hám suw xojalıǵı boyınsha orınbasarı D.Ubbiniyazov, Awıl xojalıǵı ministrliginiń xızmetkerleri, aymaqlıq awıl xojalıǵı tarawınıń qánigeleri, tuqım hám tógin jetkerip beriwshiler, sonday-aq, fermer xojalıqlarınıń wákilleri qatnastı.

Seminar dawamında báhárgi agrotexnikalıq ilajlardı sapalı shólkemlestiriw, egislik maydanların zárúr mineral tóginler hám tuqımlar menen támiyinlew, zamanagóy agrotexnologiyalardı engiziw hám jetkerip beriw sistemasın jetilistiriw máseleleri dodalandı.

Ilaj juwmaǵında tarawda bar mashqalalardı saplastırıw, resurslardan nátiyjeli paydalanıw hám joqarı ónimdarlıqqa erisiwge qaratılǵan anıq wazıypalar belgilep berildi.