Qaraqalpaqstan Respublikası Awıl xojalıǵı ministrliginiń bir qatar juwapker xızmetkerleri “Xalıq penen sáwbet” esittiriwinde qatnastı Ashıqtan-ashıq sóylesiw dawamında biyday orım-jıyınına tayarlıq jumısları, eginlerdiń jaǵdayı hám juwmaqlawshı nátiyjeleri, ǵawasha nállerin tárbiyalaw hám agrotexnikalıq ilajlardı óz waqtında ámelge asırıw máseleleri dodalandı. Sonday-aq, 2026-jıl 8-may kúni qabıl etilgen Ózbekstan Respublikası Prezidentiniń pármanları – 82-sanlı hám 83-sanlı pármanlar, sonday-aq, Ózbekstan Respublikası Prezidentiniń 2025-jıl 31-oktyabrdegi PQ-322-sanlı qararınıń mazmun-mánisi boyınsha da tolıq túsinikler berildi. Esittiriw dawamında taraw qánigeleri tárepinen fermerler hám diyxan xojalıqları ushın jaratılıp atırǵan imkaniyatlar, awıl xojalıǵında alıp barılıp atırǵan reformalar hám ónimdarlıqtı arttırıwǵa qaratılǵan ilajlar haqqında maǵlıwmatlar berildi.

Sonday-aq, esittiriw dawamında ministrlik xızmetkerleri puqaralardan kelip túsken qońırawlar tiykarındaǵı sorawlarǵa hár tárepleme juwap berdi hám múrájatlar boyınsha tiyisli túsinikler berdi.