Ámiwdárya rayonı paxta jıyım-terimine hár tárepleme tayar
Qaraqalpaqstan Respublikasında awıl xojalıǵı tarawında jetekshi rayonlardan biri esaplanǵan Ámiwdárya rayonında paxta jıyın-terim máwsimine tayarlıq jumısları juwmaqlawshı basqıshqa kirdi.
Búgingi kúnde Agroinspekciya rayonlıq bólimi tárepinen jıyın-terim mapazın shólkemleskenlik penen shólkemlestiriw maqsetinde texnikalar, paxta qabıllaw orınları hám zárúr infrastrukturanıń tayarlıǵı turaqlı qadaǵalanbaqta.
Rayondaǵı 337 fermer xojalıǵınıń qaramaǵındaǵı 748 traktor tirkemesi 5 paxta qabıllaw punktine jámlengen. Sonday-aq, 2024-2025-jılları rayonǵa 12 zamanagóy paxta teriw mashinası alıp kelingen bolsa, usı jılı olardıń sanı jáne 12 ge kóbeytildi. Bul bolsa paxta jıyın-terim jumısların qısqa múddetlerde, sapalı hám shıǵınlarsız ámelge asırıw imkaniyatın jaratadı.
Usı máwsimde rayondaǵı 4 subektke qaraslı paxta qabıllaw orınlarında 64 mıń 175 tonna paxta shiyki zatın qabıl etiw rejelestirilgen.
Qaraqalpaqstan Respublikasında awıl xojalıǵı tarawında aldıńǵı rayonlardan biri esaplanǵan Ámiwdárya rayonında jaratılǵan tayarlıq hám texnikalıq potencial paxta jıyın-terimi máwsimin shólkemleskenlik penen ótkeriw hám belgilengen zúráátti qısqa múddetlerde hám sapalı jıynap alıwǵa xızmet etiwi kútilmekte.
