Awıl xojalıǵı ónimlerin egiw máwsimin sapalı ótkeriw boyınsha ashıq sáwbet bolıp ótti

Qaraqalpaqstan Respublikası Awıl xojalıǵı ministrliginiń baslaması menen rayonlardaǵı awıl xojalıǵı bólimi xızmetkerleriniń qatnasıwında áhmiyetli ushırasıw ótkerildi. Onda awıl xojalıq ónimlerin egiw máwsimin sapalı ótkeriw, ónimdarllıqtı arttırıw hám tarawda bar máselelerdi sheshiw máseleleri jaqsı talqılandı.

Ashıq sáwbet túrinde ótken is-ilajda hár bir aymaqtıń ózine tán sharayatları, topıraq ónimdarlıǵı, suw resurslarınan aqılǵa muwaıq paydalanıw sıyaqlı máselelerge ayırıqsha dıqqat awdarıldı. Qánigeler tárepinen jańa texnologiyalardı engiziw, házirgi zaman agrotexnikalıq usılların qollanıw arqalı joqarı nátiyjellerge erisiw múmkinligi atap ótildi.

Sóylesiw sońında keleshektegi wazıypalar belgilep alındı hám hár bir xızmetkerdiń juwapkershiligi anıq kórsetip ótildi. Awıl xojalıǵı tarawın rawajlandırıw, diyqan hám fermerlerge hár tárepleme járdem beriw – búgingi kúnniń eń áhmiyetli talaplarınan biri ekenligi atap ótildi.