Ózbekstan Respublikası Awıl xojalıǵı ministri Ibrohim Abdurahmonov Qaraqalpaqstan Respublikasına keldi.
Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev penen birge Beruniy rayonı “Shabbaz” APJ aymaǵında jaylasqan Urazımbetov Nematjan, Raxmatulla Chaman hám Kóshkinov Qudrat fermer xojalıqlarınıń atız maydanlarında boldı.
Atız maydanları kózden kechirilgende, tuqımlıq paxta sıpatında jergilikli “Sultan” sortı egilgeni, biraq barlıq atızlarda suwǵarıw máselesinde bir qıylı kemshiliklerge jol qoyılǵanı anıqlandı. Nátiyjede ǵawashanıń kesellikke beyimligi artqanı, qatar aralarınıń jabayı hám sortqa baylanıslı bolmaǵan shópler menen qaplanǵanı atap ótildi.
Qaraqalpaqstan Respublikasında bolıp atırǵan Awıl xojalıǵı ministri Ibrohim Abdurahmonov Beruniy rayonındaǵı “Shabboz” agroklasteriniń muzlatqıshlı qoymaxanası jumısı menen jaqınnan tanıstı.
Bul qoymaxanada házirgi waqıtta 700 tonna dán tuqımı saqlanbaqta. Sonnan 200 tonnası tındırıp bolınǵan bolsa, qalǵan 500 tonnası tınıshlıq dáwirin ótew procesinde. Tuqımlar tiykarınan “Ásir,” “Drujba” hám “Andijan” sıyaqlı mol ónimli sortlardan ibarat bolıp, olar ónimdarlıǵı hám hár qıylı klimat sharayatlarına beyimlesiwi menen ajıralıp turadı.
Qaraqalpaqstan Respublikasında bolıp atırǵan Awıl xojalıǵı ministri Ibrohim Abdurahmonov Beruniy rayonındaǵı “Azat intensiv baǵ” fermer xojalıǵında boldı.
10 gektar maydanda qurılǵan baǵda alma, júzim, shabdal hám almurt jetistirilmekte. Zamanagóy tamshılatıp suwǵarıw sisteması menen tolıq támiyinlengen baǵ suwdan aqılǵa muwaıq paydalanıw hám ónimdarlıqtı arttırıw imkaniyatın bermekte. Ótken jılı xojalıq júzimnen 40 tonna ónim alǵan.
Tarawda alıp barılıp atırǵan jumıslardıń nátiyjeliligin úyreniw maqsetinde Qaraqalpaqstan Respublikasına kelgen ministr Ibrohim Abdurahmonov Beruniy rayonındaǵı “Beruniy Cluster” JShJǵa qaraslı paxta qabıllaw maskani jumısı menen tanıstı.
Dáslep bul aymaqtaǵı paxtanı qabıllaw procesi, sonıń ishinde, agrotárezisi, agroplatforma hám basqa da texnikalıq qurallardıń máwsimge tayarlıq jaǵdayı jáne engizilip atırǵan jańasha qatnaslardıń nátiyjeliligi tolıq úyrenildi.
Xabar bergenimizdey, Qaraqalpaqstan Respublikasında bolıp atırǵan awıl xojalıǵı ministri Ibrohim Abdurahmonov Ellikqala rayonındaǵı “Amirobod jayroni” agroklasterine qaraslı Paxta-ǵálle tuqımgershiligi innovaciyalıq orayı jumısı menen jaqınnan tanıstı.
Bul oray bir kúnde 45-50 tonna paxta hám ǵálle tuqımına isles beriw quwatlılıǵına iye bolıp, jumıs procesi tolıq shet el texnologiyası tiykarında ámelge asırıladı.
Awıl xojalıǵı ministri Ibrohim Abdurahmonov jumıs saparı sheńberinde Ellikqala rayonındaǵı bir qatar awıl xojalıǵı obektlerinde ámelge asırılıp atırǵan jumıslar menen tanıspaqta.
“Saxtiyon Azamati” fermer xojalıǵınıń 4 gektarlıq konturında “Sultan” sortınıń birinshi áwladı dástúriy usılda egilgen. Atızdaǵı ǵawasha tuqımlıq emes, texnikalıq maqsetlerde tárbiyalanbaqta.
Qaraqalpaqstan Respublikasında bolıp atırǵan ministr Ibrohim Abdurahmonov Ellikqala rayonındaǵı “Bostan Cluster” JShJǵa qaraslı Paxta tazalaw zavodı janındaǵı Paxta qabıllaw maskani jumısı menen tanıstı.
Dáslep aymaqtaǵı “AgroTárezi,” “Agroplatforma” hám basqa da texnikalıq qurallardıń máwsimge tayarlıq dárejesi, sonday-aq, engizilip atırǵan jańa qatnaslardıń nátiyjeliligi úyrenildi.
Xabar bergenimizdey, Awıl xojalıǵı ministri Ibrohim Abdurahmonov Qaraqalpaqstan Respublikasına jumıs saparı sheńberinde awıl xojalıǵı obektlerinde bolıp, ol jerdegi jumıslar menen jaqınnan tanıspaqta.
Sapar baǵdarlamasına muwapıq, ministr Ámiwdárya rayonındaǵı “Qıpshaqawıl” APJ aymaǵında jaylasqan Xaytimbetov Sultan fermer xojalıǵınıń atız maydanında boldı. Bul xojalıqtıń 7 gektarlıq konturında jergilikli “Sultan” ǵawasha sortı jetistirilmekte.
