QARAQALPAQSTAN RESPUBLIKASÍ AWÍL XOJALÍǴÍ MINISTRLIGINDE ATQARÍW INTIZAMÍ MÁSELELERI TALQÍLANDÍ

Búgin Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Qaraqalpaqstan Respublikası awıl xojalıǵı ministri Sh.Teshaevtıń basshılıǵında ministrlik apparatı májilisi ótkerildi.

Kún tártibinen orın alǵan másele – ministrlik sistemasında atqarıw intizamına qatań ámel etiliwi boldı. Májiliste atqarıw intizamında jol qoyılǵan kemshilikler talqılandı, olardı saplastırıw boyınsha zárúrli ilajlar belgilendi. Sh.Teshaev óziniń shıǵıp sóylewinde atqarıw intizamına biypárwalıq penen qaraǵan xızmetkerlerge qarata eskertiw beriletuǵının atap ótti. Sonıń menen birge, xızmet jumısında joqarı nátiyjelerge erisip atırǵan, tártip hám juwapkershilikte úlgi bolıp atırǵan xızmetkerlerdi xoshametlew boyınsha juwapkerlilerge tiyisli tapsırmalar berdi.

Májilis juwmaǵında barlıq basshı hám xızmetkerlerge atqarıw intizamına qatań ámel etiw, tapsırmalardı belgilengen waqıtta sapalı orınlaw zárúr ekenligi jáne bir ret eskertilib ótildi.