“Abat hám payızlı máhálle – el kórki”  qayırqomlıq shembiligi Qaraqalpaqstan Awıl xojalıǵı ministrliginde

Usı jıldıń 22-23-avgust kúnleri elimiz boylap “Abat hám payızlı máhálle – el kórki” uranı astında qayırqomlıq shembiligi ótkerilmekte. Bul  baslamaǵa Qaraqalpaqstan Respublikası Awıl xojalıǵı ministrliginiń xızmetkerleri de belsene qatnasdı.

Ministrlik xızmetkerleri azannan jumısqa kirisip, ministrlik átirapın abadanlastırıw, aymaqtı shıǵındılardan tazalaw hám tereklerdi aqlawdı ámelge asırdı. Shembilik dawamında barlıq xızmetkerler, abadanlastırıwǵa úles qosıwǵa umtıldı.

“Abat hám payızlı máhálle – el kórki” uranı astındaǵı bul qayırqomlıq shembiligi tek ǵana qorshaǵan ortalıqtı tazalawǵa emes, al adamlardı birlestiriwge, miyrim-shápáátti kúsheytiwge hám jámiyette óz-ara járdem sezimin arttırıwǵa xızmet etedi.