Ibrohim Abdurahmonov: Yoshlar salohiyati – qishloq xwjaligi taraqqiyotining kafolati
🌱Házirgi kúnlerde elimizde awıl xojalıǵı tarawında ámelge asırılıp atırǵan reformalar barlıq aymaqlarda keń kólemde dawam etpekte. Awıl xojalıǵı ministri Ibrohim Abdurahmonovtıń aymaqlarǵa shólkemlestirilip atırǵan jumısshı saparları bolsa bul processlerdiń nátiyjeliligin támiyinlewge xızmet etpekte.
🏢Usı maqsette ministr búgin jumıs saparı menen Qaraqalpaqstan Respublikasına jetip keldi. Sapar baǵdarlamasınan orın alǵan birinshi mánzil – Xojeli rayonındaǵı Jaslar sociallıq-ekonomikalıq orayı boldı.
Ibrohim Abdurahmonov Qaraqalpaqstan Respublikası Ministrler Keńesiniń Baslıǵı Farhod Ermanov penen birgelikte orayda jaslar ushın jaratılǵan sharayatlar menen tanısıp, búgingi kúnde jas áwladqa qaratılıp atırǵan itibardı ayrıqsha atap ótti.
✅Orayda jaslardı isbilermenlikke baǵdarlaw, olardıń jámiyetlik belsendiligin arttırıw hám bilimlerin ámeliy turmısqa engiziw ushın zárúr imkaniyatlar jaratılǵan. Atap aytqanda, bul jerde zamanagóy oqıw xanaları, startap baslamaların qollap-quwatlaw baǵdarlamaları, hár túrli sheberlik sabaqları hám treningler jolǵa qoyılǵanı dıqqatqa ılayıq.
Ibrohim Abdurahmonov sáwbetlesiw waqtında awıl xojalıǵındaǵı jetiskenlikler turaqlı rawajlanıw ushın jaslar potencialın durıs baǵdarlaw áhmietli ekenligin atap ótti. Sonlıqtan, jaslar ushın qollap-quwatlaw baǵdarlamaların ámelge asırıw, olardıń innovaciyalıq ideyaların turmısqa engiziw, awıl xojalıǵında zamanagóy texnologiyalardan paydalanıwǵa keń imkaniyat jaratıw maqset etilgen.
✅Solay etip, ministrdiń Qaraqalpaqstanǵa saparı tek ǵana awıl xojalıǵı tarawında ámelge asırılıp atırǵan jumıslar nátiyjesin kózden ótkeriw emes, al jaslardıń jańa baslamaları hám imkaniyatları ushın da úlken xoshamet bolıp xızmet etpekte.
