Xojeli rayonında agrar tarawdaǵı áhmiyetli máselelerge baǵıshlanǵan seminar bolıp ótpekte
Házirgi waqıtta Xojeli rayonı hákimliginiń májilisler zalında Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı Kamiljan Aytbaevtıń basshılıǵında awıl xojalıǵına baylanıslı tiykarǵı baǵdarlar boyınsha ámeliy seminar ótkerilmekte.
Bul ilajda aymaqta báhárgi agrotexnikalıq jumıslardı nátiyjeli shólkemlestiriw, egislik maydanlarında aldınǵı texnologiyalardı qollanıw, materiallıq-texnikalıq resurslar menen óz waqtında támiyinlew hám awıl xojalıǵı óndiriste sistemalı qatnastı kúsheytiw máseleleri dodalanbaqta.
Seminarǵa Xojeli rayonı hákiminiń awıl ham suw xojalıǵı boyınsha orınbasarı A.Reymbaev, awıl hám suw xojalıǵı tarawınıń qánigeleri, fermer xojalıqlarınıń basshıları hám klaster shólkemleriniń wákilleri belsene qatnaspaqta.
Seminar dawamında tarawdıń rawajlanıwına baylanıslı bar mashqalalar tallanıp, olardı saplastırıw boyınsha anıq ilajlar islep shıǵılmaqta, sonday-aq, qatnasıwshılarǵa tiyisli kórsetpe hám usınıslar berilmekte.
Bul seminar aymaqta agrar tarmaq nátiyjeliligin arttırıw, resurslardan aqılǵa uǵras paydalanıw hám joqarı ónimdarlıqqa erisiwde áhmiyetli faktor bolıp xızmet etedi.
