Nókis rayonında gezektegi agrar seminar ótkerildi

Gezektegi seminar Nókis rayonı hákimligi májilisler zalında Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı Kamiljan Aytbaev basshılıǵında ótkerildi.

Bul ilajda aymaqta awıl xojalıǵı tarawın rawajlandırıw, báhárgi agrotexnikalıq ilajlardı sistemalı shólkemlestiriw, egislik maydanların zárúr resurslar menen óz waqtında támiyinlew hám zamanagóy agrotexnologiyalardı keńnen engiziw máseleleri dodalandı.

Seminar dawamında taraw juwapkerleri, fermer xojalıqları hám klaster shólkemleriniń wákilleri qatnasıp, bar mashqalalar hám olardıń sheshimleri boyınsha pikir almasıldı.

Ilaj juwmaǵında awıl xojalıǵı nátiyjeliligin arttırıw, zúráátlilikti kóbeytiw hám resurslardan aqılǵa uǵras paydalanıwǵa qaratılǵan anıq wazıypalar belgilep berildi.