️ ️ Beruniy rayonı fermerleri menen ministrdiń kóshpeli qabıllawı bolıp ótti

Beruniy rayonı hákimliginde Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri Kamiljan Aytbaev tárepinen fermer xojalıqları hám agroklasterlerdiń wákilleri menen kóshpeli qabıllaw ótkerildi.

Qabıllawda Beruniy rayonı hákimi Ikram Xidirov, taraw qánigeleri hám tuqım, tógin hám awıl xojalıǵı texnikaların jetkerip beriwshi kárxanalardıń wákilleri qatnastı.

Fermerler óz múrájat hám usınısların ashıq bildirdi. Olardıń kópshiligi ornında sheshildi, qalǵan máseleler boyınsha juwapkerlerge anıq tapsırmalar berildi.

Sonday-aq, fermerlerge texnika satıp alıw ushın jeńilletilgen kreditler hám materiallıq resurslar támiynatı boyınsha zárúr túsinikler berildi