🌱 Shigit egiw máwsimine baǵıshlanǵan kórgezbe seminarı ótkerildi

Ellikqala rayonı «Qırqız» awıl puqaralar jıyını aymaǵındaǵı “Jańa zaman quyashı” fermer xojalıǵında 2026-jıl ónimi ushın shigit egiw jumıslarınıń baslanıwı múnásibeti menen kórgezbe seminarı shólkemlestirildi.

Bul seminarǵa rayon hákimi V.Niyazimbetov, paxtashılıq fermer xojalıqlarınıń basshıları hám taraw qánigeleri qatnastı.

Usı jılı Ellikqala rayonında jámi 8 700 gektar maydanǵa shigit egiw rejelestirilgen bolıp: 🔹 4 670 gektar — 76×10 sm sxemada 🔹 4 030 gektar — 76 sm keńliktegi jeke qatar sxemada 🔹 2 330 gektar — Qıtaydıń “Shinjon” texnologiyası tiykarında egiledi

Máwsimdi shólkemleskenlik penen ótkeriw maqsetinde 45 otryad dúzilip, olarǵa zárúr awıl xojalıǵı texnikaları hám tájiriybeli mexanizatorlar biriktirildi.

Seminar dawamında qánigeler tárepinen shigit egiw agrotexnikası, zamanagóy texnologiyalardı qollanıw hám ónimdarlıqtı arttırıw boyınsha áhmiyetli usınıslar berildi.

👉 Jańalıqlardan xabardar bolıp barıw ushın rásmiy kanalımızǵa aǵza bolıń.