Qońırat rayonında xalıqtıń qıytaq jerleri ushın kartoshka tuqımın jetkerip beriw jumısları izbe-iz dawam etpekte
Qońırat rayonında xalıqtı sapalı hám úzliksiz azıq-awqat ónimleri menen támiyinlew maqsetinde keń kólemli awıl xojalıǵı jumısları ámelge asırılmaqta. Sonıń ishinde, 2026-jıl ónimi ushın xalıqtıń qıytaq jerlerinde 543 gektar, fermer xojalıqlarında bolsa 69 gektar jerge kartoshka egiw belgilengen. Búgingi kúnge shekem xalıqtıń qıytaq jerleri ushın “Jalol Sunnatulla” juwapkershiligi sheklengen jámieti tárepinen “Arizona” sortlı 16 tonna kartoshka tuqımı jetkerip berilip, egiw jumısları baslap jiberildi.
Bunnan tısqarı, 25 tonnadan aslam kartoshka tuqımı rayonnıń fermer xojalıqları hám awıl xojalıǵı kárxanaları tárepinen óz qarjıları esabınan alıp kelinip, házirgi waqıtta jerlerdi egiwge tayarlaw hám egiw jumısları dawam ettirilmekte. Maǵlıwmat ornında, “Nukus Dilisha” JShJ tárepinen 15 tonna, “Jalol Sunnatulla” JShJ tárepinen jáne 10 tonna, jámi 25 tonna kartoshka tuqımı fermer xojalıqları hám qıytaq jer iyeleri ushın jetkerip beriliwi rejelestirilgen.
Bul jumıslar aymaqta azıq-awqat qáwipsizligin támiyinlew, xalıqtı arzan hám sapalı ónimler menen úzliksiz támiyinlewge xızmet etedi.
Qıytaq jerlerden ónimli paydalanıw — bereket hám dáramat deregi ekenin umıtpań.
