Xojeli rayonı aymaǵındaǵı ǵálle maydanlarında taraw wákilleriniń usınısları tiykarında arnawlı texnikalar járdeminde ǵálle maydanların azıqlandırıw ilajları ámelge asırılmaqta.

Ǵálleshilikte áhmiyetli agrotexnikalıq ilajlardan biri bul – mineral hám jergilikli tóginler menen azıqlandırıw bolıp esaplanadı.Gúzlik biyday báhárde hám rawajlanıw dáwirinde jeterli muǵdarda tóginler menen támiyinleniwi ósimliktiń jaqsı tamır jayıwına hám ósiw-rawajlanıw processlerine unamlı tásir kórsetedi.

Ǵálle maydanlarına azotlı mineral tóginler jeterli muǵdarda qollanılsa, biyday masaqları tolıq rawajlanadı hám de dánler sanı da artadı.Bunday agrotexnikalıq ilajlar óz náwbetinde topıraq ónimdarlıǵın arttırıw menen birge ósimlikti zárúr bolǵan mikroelementler menen toyındırıwǵa xızmet etedi.