📢 Beruniy rayonında «Sharwashılıqta sanitariya-epidemiologiya-gigiena» aylıǵı sheńberinde ilajlar dawam etpekte

Usı jıldıń 18-aprelinen 18-mayına shekem mámleketimizde járiyalanǵan «Sharwashılıqta sanitariya-epidemiologiya-gigiena» aylıǵı sheńberinde Beruniy rayonında keń kólemli jumıslar ámelge asırılmaqta.

🔹 Xojalıqlar hám fermalarda veterinariya-sanitariya qaǵıydalarına qatań ámel etiw, kiriw orınlarında dezinfekciya quralların shólkemlestiriw hám de sharwashılıq imaratları hám qurılmaların dezinfekciyalaw boyınsha seminar shólkemlestirildi.

🔹 Rayondaǵı 8 veterinariya uchastkası arqalı xalıqqa sapalı xızmet kórsetilip, hár bir uchastkada 1 veterinariya shıpakeri hám 1 veterinariya feldsheri iskerlik alıp barmaqta.

🔹 Oǵada juqpalı keselliklerdiń aldın alıw maqsetinde 20 qánige 5 toparǵa bólinip, vakcinaciya ilajların alıp barmaqta.

📊 2025-jılda ámelge asırılǵan profilaktikalıq vakcinaciyalar: ✅ Aqsıl keselligine qarsı: — 21,9 mıń bas İSHM — 4,5 mıń bas MShM

✅ Qaraoqpa (kuydirgi) keselligine qarsı: — 31,4 mıń bas İSHM — 8,6 mıń bas MShM — 79 bas at

✅ Nodulyar dermatitke qarsı: — 22,9 mıń bas İSHM

🐾 Qutırıw keselligine qarsı 2290 bas iyt hám pıshıq vakcinaciya etildi.

🔹 Sonday-aq, qaramallardı identifikaciyalaw jumısları da izbe-iz dawam ettirilmekte. 2025-jıl basınan búgingi kúnge shekem: — 25 031 bas İSHM — 576 bas MShM identifikaciyalanıp, VIS-Chinor elektron platformasına kirgizildi.

📌 Bul ilajlar sharwa salamatlıǵın saqlaw, juqpalı keselliklerdiń aldın alıw hám de xalıq abadanlıǵın támiyinlewge xızmet etpekte.