Qaraózek rayonında paxta atızlarında agrotexnikalıq jumıslardıń jaǵdayı úyrenildi
Qaraózek rayonı Berdaq hám Mádeniyat awıl puqaralar jıyını aymaǵında jumıs alıp barıp atırǵan fermer xojalıqlarında paxta tárbiyası menen baylanıslı agrotexnikalıq jumıslardıń jaǵdayı úyrenildi.
Saparda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı, Awıl xojalıǵı ministri K.Aytbaev fermer xojalıqlarında bolıp, ǵawasha maydanlarında alıp barılıp atırǵan jumıslar menen tikkeley tanıstı.
Sapar etiw dawamında ǵawasha eginlerinde kultivaciya, dárilew hám qatar araların qayta islewdiń sapalı jáne belgilengen múddetlerde ámelge asırılıwına ayrıqsha itibar qaratıldı. Ministr tárepinen vegetaciya dáwirindegi agrotexnikalıq ilajlardıń normativ talaplar tiykarında alıp barılıwı, awıl xojalıǵı texnikalarınan nátiyjeli paydalanıw boyınsha tiyisli kórsetpeler berildi.
Bunnan tısqarı, zıyankeslerge qarsı gúresiw jumısların ilimiy tiykarda shólkemlestiriw, ximiyalıq dárilew ilajların óz waqtında ótkeriw hám egislik maydanlarında turaqlı monitoring alıp barıw boyınsha ámeliy usınıslar berildi.
