Kegeyli rayonında qurılǵan zamanagóy ıssıxanada ǵalaba xabar quralları wákilleri ushın press-tur shólkemlestirildi Press-tur dawamında jurnalistler joybar sheńberinde ámelge asırılǵan jumıslar, ıssıxananıń óndirislik quwatlılıǵı hám kámbaǵallıq reestrine kirgizilgen shańaraqlardıń bántligin támiyinlew baǵdarındaǵı nátiyjeler menen jaqınnan tanıstı. Málim etiliwinshe, joybar sheńberinde 5 gektar maydanda ıssıxana shólkemlestirilip, 50 shańaraqtıń bántligin támiyinlew ushın zárúr sharayatlar jaratılǵan. Hár bir shańaraqqa 10 sotixtan jer maydanı ajıratılıp, qıyar jetistiriw jumısları jolǵa qoyılǵan. Ilaj dawamında ǴXQ wákillerine ıssıxanada jaratılǵan imkaniyatlar, shańaraqlardıń dáramatın arttırıwǵa qaratılǵan ámeliy mexanizmler hám joybardıń sociallıq áhmiyeti haqqında tolıq maǵlıwmatlar berildi.