️Taqıyatas rayonında ǵálle tapsırıw rejesin orınlawǵa múnásip úles qosqan fermer xojalıqlarınan biri

Taqıyatas rayonı Naymankól APJ aymaǵında jumıs alıp barıp atırǵan “Avezdurdiev Mekan” fermer xojalıǵı 2026-jıl zúrááti ushın 20 gektar maydanda ǵálle jetistirip, mámleketke ǵálle tapsırıw rejesin artıǵı menen orınladı hám rayonnıń ulıwma rejesiniń tabıslı orınlanıwına múnásip úles qostı. Fermer xojalıǵı tárepinen búgingi kúnge shekem 74 tonna ǵálle mámleket qırmanına tapsırıldı. Házirgi waqıtta qalǵan ónimdi qısqa múddetlerde sapalı jıynap alıw jumısları dawam ettirilmekte. Fermer xojalıǵınıń is júrgiziwshisi Qurbanbay Taǵamberdievtiń málim etiwinshe, xojalıqta ǵálleden tısqarı 70 gektar maydanda paxta, 5 gektarda másh, 2 gektarda kartoshka, 3 gektarda qawın-ǵarbız jetistirilmekte. Sonday-aq, 2 gektar baǵ da bar bolıp, onda jetistirilip atırǵan miywe-ovosh ónimleri jergilikli bazarlarǵa úzliksiz jetkerip berilmekte. Bul fermer xojalıǵınıń nátiyjeli jumısı tek ǵana ǵálleshilikte emes, al azıq-awqat ónimlerin jetistiriw hám xalıqtı sapalı awıl xojalıǵı ónimleri menen támiyinlewde de úlken áhmiyetke iye bolmaqta.