Kegeyli rayonında 2027-jıl zúrááti ushın ǵálle egiw máwsimi dawam etpekte
Kegeyli rayonında 2027-jıl zúrááti ushın gúzgi masaqlı dán eginlerin egiw máwsimi sheńberinde Ishanqala APJ aymaǵındaǵı “Erlepesov Bektursın” fermer xojalıǵında ǵálle egiw boyınsha kórgizbeli seminar shólkemlestirildi.
Seminarda gúzgi biyday eginlerin optimal múddetlerde egiw, jerge sapalı islew beriw, tuqımdı durıs tańlaw, egiw normalarına ámel etiw hám eginlerdi agrotexnikalıq talaplar tiykarında tárbiyalaw boyınsha ámeliy usınıslar berildi.
Ilajda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Awıl xojalıǵı ministri Kamiljan Aytbaev, Ózbekstan Respublikası Ministrler Kabineti janındaǵı Agrosanaat kompleksi ústinen qadaǵalaw inspekciyası Qaraqalpaqstan Respublikası basqarmasınıń baslıǵı E.Qayıpbergenov, Kegeyli rayonınıń hákimi A.Kamalov, awıl xojalıǵı tarawınıń qánigeleri, fermer hám diyxan xojalıqlarınıń basshıları qatnastı.
Seminar dawamında ǵálle egiw jumısların belgilengen agrotexnikalıq múddetlerde, sapalı hám shólkemleskenlik penen shólkemlestiriw, jerdi qayta islew hám tuqımnan nátiyjeli paydalanıw máselelerine ayrıqsha itibar qaratıldı.
Ilaj juwmaǵında joqarı hám sapalı zúráát jetistiriw ushın barlıq agrotexnikalıq ilajlardı óz waqtında hám sapalı ámelge asırıw boyınsha tiyisli usınıs hám tapsırmalar berildi.
