🌱 Beruniyde shigit egiw jumısları dawam etpekte

Awıl xojalıǵında shigit egiw joqarı ónim alıwdıń áhmiyetli basqıshı esaplanadı. Bul process agrotexnikalıq talaplarǵa qatań ámel etken halda basqıshpa-basqısh ámelge asırıladı.

Bıyılǵı jılı Beruniy rayonında 8 500 gektar maydanǵa shigit egiw rejelestirilgen. Báhárdiń jawın-shashınlı bolıwı fermerler ushın belgili bir qıyınshılıqlar tuwdırǵan bolsa da, egiw jumısları izbe-iz dawam etpekte.

Rayonda ónimdarlıǵı joqarı, zıyanlı shıbın-shirkeylerge shıdamlı “Qıtay” sortı egilmekte. Ótken jıllardaǵı tájiriybe bul sorttıń nátiyjeliligin tastıyıqlaǵan.

Atap aytqanda, Nayman máhállesindegi «ESSH Yeshmuratov Sádulla» fermer xojalıǵı 45 gektar maydanǵa usı sorttı zamanagóy texnikalar járdeminde egip, mol ónim alıwdı maqset etken.