Beruniy rayonında 1128-sanlı Nızamnıń mazmunı úgit-násiyatlanbaqta

Beruniy rayonında awıl xojalıǵı tarawın transformaciya qılıw, jer resurslarınan aqılǵa muwapıq paydalanıw hám azıq-awqat qáwipsizligin támiyinlewge qaratılǵan 1128-sanlı Nızamnıń mazmun-mánisin keń túrde úgit-násiyatlaw boyınsha seminar shólkemlestirildi.

Ilajda Ósimlikler karantini hám qorǵaw agentligi, Fermerler keńesi, rayon hákimligi hám de tiyisli mákemelerdiń wákilleri qatnasıp, atız shetlerinen ónimli paydalanıw, maqul eginlerdi jaylastırıw hám nızam talaplarına ámel etiw máseleleri hár tárepleme dodalandı.

Seminar dawamında atız shetlerine egin egiw tek ǵana nızamlı talap emes, al fermer xojalıqlarınıń dáramatın asırıwǵa xızmet etetuǵın áhmiyetli faktor ekenligi turmıslıq mısallar arqalı túsindirildi. Sonıń menen birge, agrotexnikalıq nátiyjelilik, fitosanitariyalıq turaqlılıq hám nızamlı juwapkershilik máselelerine ayrıqsha itibar qaratıldı.

Ilaj juwmaǵında fermerler ushın atız shetlerinen ónimli paydalanıw hám nızam sheńberinde iskerlik júrgiziw boyınsha anıq wazıypalar belgilendi.