Xojelide alma baǵların jańalaw hám tereklerdi dárlew jumısları dawam etpekte

Xojeli rayonında báhárgi agrotexnikalıq ilajlar shólkemleskenlik penen alıp barılmaqta. Aymaqta baǵshılıqtı rawajlandırıw, miywe jetistiriw kólemin asırıw hám bar baǵlardı abadanlastırıw baǵdarında sistemalı jumıslar ámelge asırılmaqta.

Atap aytqanda, Sarıshıńgul awıl puqaralar jıyını aymaǵında jaylasqan «Xojeli Bawırjan» fermer xojalıǵında 2 gektar maydanda jańa alma nálleri egilmekte. Bul jumıslar aymaqta intensiv baǵlardı keńeytiw hám miywe jetistiriw potencialın asırıwǵa xızmet etedi.

Sonday-aq, Aybek massivinde jaylasqan «Nukus Agro City» JShJne qaraslı 5,5 gektar alma baǵında tereklerdi dárlew jumısları alıp barılmaqta. Agrotexnikalıq ilajlar baǵlardı zıyanlı shıbın-shirkeylerden hám keselliklerden qorǵaw, ónimdarlıqtı hám ónimniń sapasın asırıwǵa qaratılǵan.