Ellikqala rayonında násilli sharwashılıqtı rawajlandırıw jumısları dawam etpekte
Ellikqala rayonı “Qoshqora” MPJ aymaǵında jumıs alıp barıp atırǵan “Islam násil sharwa” JShJ násilshilik xojalıǵında sharwashılıq tarawın rawajlandırıw, ásirese, násilli qaramallardı kóbeytiw boyınsha izbe-iz jumıslar ámelge asırılmaqta.
Atap aytqanda, Prezidentimizdiń “Qaraqalpaqstan Respublikasında isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında”ǵı PP-213-sanlı Pármanınıń orınlanıwı sheńberinde Ellikqala rayonında jańa imkaniyatlar esigi ashılmaqta.
Búgingi kúnde xojalıqta 510 bas qaramal baǵılıp atır. Sonday-aq, 600 bas qoy hám eshkiler de baǵılmaqta. Násilshilik jumısların jolǵa qoyıw nátiyjesinde sharwashılıq ónimlerin islep shıǵarıw kólemi artıp barmaqta.
Atap aytqanda, xojalıqta jılına 460 tonna sút islep shıǵarıw quwatlılıǵı bar bolıp, bir bas sıyırdan ortasha 4 mıń litr sút sawıp alınbaqta.
Aymaqta násilli sharwashılıqtı rawajlandırıwǵa qaratılıp atırǵan bunday háreketler sharwa mallarınıń sanın kóbeytiw, ónim jetistiriw kólemin arttırıw hám xalıqtıń sapalı azıq-awqat ónimlerine bolǵan talabın támiyinlewge xızmet etpekte
