Aymaqlarda sharwashılıq rawajlandırıladı

Húrmetli Prezidentimizdiń “2026-jılda aymaqlardı jańasha qatnas tiykarında rawajlandırıw arqalı xalıqtıń dáramatın arttırıw, turaqlı jumıs orınların jaratıw hámde kámbaǵallıqtı qısqartıw is-ilajları haqqında”ǵı PQ-49-sanlı qararınıń orınlanıwın támiyinlew maqsetinde Beruniy rayonında bir qatar jumıslar ámelge asırılmaqta.

Aymaqlarda turaqlı hám joqarı dáramatlı jumıs orınların jaratıw, isbilermenlik jumısın qollap-quwatlaw, aymaqlardıń qánigeliginen kelip shıqqan halda joybarlardı jaylastırıw maqsetinde Beruniy rayonında seminar bolıp ótti. Aymaqta sharwashılıqtı rawajlandırıw, usı baǵdarda xalıqqa sharwa malların jetkerip beriw, “Shańaraqlıq isbilermenlikti rawajlandırıw” baǵdarlaması sheńberinde 50 mln. somǵa shekem jeńilletilgen kredit tiykarında qaramal alıw hám baǵıw jumısları jolǵa qoyıldı.