Usı jıldıń 20-yanvar kúni Ózbekstan Respublikası Awıl xojalıǵı ministriniń orınbasarı A.Shukurov, Qaraqalpaqstan Respublikası Awıl xojalıǵı ministriniń orınbasarı N.Kayupov hám de Jáhán bankı xızmetkerleri Qaraqalpaqstan diyqanshılıq ilimiy-izertlew institutına bardı.
Sapar dawamında, institutta ámelge asırılıp atırǵan ilimiy jumıslar menen jaqınnan tanısıp, bar mashqalalardı saplastırıw hám de institut tájiriybe xojalıǵınıń materiallıq-texnikalıq bazasın bekkemlew maqsetinde, Ózbekstan Awıl xojalıǵın modernizaciyalaw joybarı sheńberinde, institutqa ajıratılǵan 600,0 mıń AQSh dollar qarjıların ózlestiriw boyınsha tapsırmalar berildi.
Sonday-aq, Institutta miynet etip atırǵan ilimpazlar menen birgelikte pikir alısıp, jaratılıp atırǵan jańa egin sortlardıń egislik maydanların keńeytiw boyınsha kórsetpeler berip ótti.
