Qaraqalpaqstan Respublikası rayonlarında jıllar dawamında baǵdarlamalar tiykarında kóp jıllıq miyweli terekler egilip, hár jılı ónim berip kelmekte.Biraq, házirgi kúnde bul kóp jıllıq miyweli terekler awıl xojalıǵı esabatlarında basqa awıl xojalıǵı jer túrlerinde saqlanıp qalmaqta.Bul hár jılı awıl xojalıǵı eginlerin jaylastırıw, suwdı bólistiriw hám de basqa kórsetkishlerdi belgilewde hám esabatlardı júrgiziwde bir qatar qıyınshılıqlardı keltirip shıǵarmaqta.Sonnan kelip shıǵıp, awıl xojalıǵı eginlerin aqılǵa uǵras jaylastırıwda, esabatlardıń ashıq-aydınlıǵın támiyinlew hám jer esabatların tártipke salıw maqsetinde:

Qaraqalpaqstan Respublikası Ministrler Keńesiniń 2025-jıl 11-yanvardaǵı 5-13-0-F/25-sanlı hám Taqıyatas rayonı hákiminiń 2025-jıl 20-yanvardaǵı 38-13-215-F/25-sanlı Biyligi tiykarında Taqıyatas rayonında jumıs alıp barıp atırǵan fermer xojalıǵı hám awıl xojalıǵı kárxanalarında baǵ hám júzim baǵların xatlawdan ótkeriw, az ónimdarlı hám ekonomikalıq jaqtan nátiyjesiz baǵ hám júzim baǵlardı anıqlaw boyınsha jumısshı topar aǵzaları menen úyreniw jumısları alıp barılmaqta.